Ana ci gaba da gyaran masallatai na tarihi a tsibirin Djerba na kasar Tunisia

IQNA - Masallatan Sidi Jamour da Sidi Zayed da ke tsibirin Djerba na kasar Tunisiya, wadanda ke cikin jerin wurare da gine-gine 31 da ake shirin yi wa rajista a jerin abubuwan tarihi na UNESCO, na bukatar sake ginawa cikin gaggawa saboda rashin dacewar da suke ciki, da kuma yadda aka samu fashe-fashe a ginin.

A cewar mai kula da gidan yanar gizon, wata tawagar kwararru daga cibiyar National Institute of Heritage Tunisia INP da wakilan al'amuran al'adu da na addini sun ziyarci masallatan Sidi Jamour da Sidi Zayed a tsibirin Djerba na kasar Tunisia.

Wadannan masallatai suna cikin jerin wurare da gine-gine 31 da ke jiran a yi musu rajista a tsibirin a cikin jerin abubuwan tarihi na UNESCO, kuma saboda rashin tsari da kuma yadda aka samu tsaga a ginin, suna bukatar gyara cikin gaggawa.

Naimeh Haddar, wakilin al'adun gargajiya a yayin wannan ziyara, ya yi ishara da irin tsagewar da aka samu a cikin masallacin Sidi Jamour da kuma mummunan halin da masallacin Sidi Zayed yake ciki, ya kuma sanar da cewa, nan ba da dadewa ba za a fara aiwatar da ayyukan gyare-gyare.

Ya kuma bayyana cewa za a yi wadannan gyare-gyaren ne bayan amincewar hukumar kula da harkokin teku ta APAL, sannan kuma bayan nazarin fasaha na gyaran masallacin Sidi Jamour, za a yi kokarin ganin an samu taimako daga ‘yan kasa domin samun kudin gudanar da aikin da kuma yadda za a gudanar da aikin. bude asusun banki don wannan dalili

Dangane da Masallacin Sidi Zayed, matakan gyare-gyaren ya kamata su hada da gyare-gyaren cikin gida . Ƙungiyoyin farar hula na Djerba ne za su bayar da kuɗin sake gina wannan ginin.

Muhimmin batu shi ne a watan Janairun 2023, kungiyoyin farar hula na Djerba sun yi gargadi game da halin da ake ciki na kula da masallacin Sidi Jamour tare da neman sa baki cikin gaggawa.

4242790