An sako fursunonin Falasdinawa a hannun iyalansu
A ranar yau Litinin 20 ga watan Janairu ne hukumomin mamayar suka saki kashin farko na fursunoni bisa tsarin yarjejeniyar tsagaita wuta da Falasdinawa a Gaza bayan shafe kusan sa'o'i bakwai ana jinkiri.
Kafin a sako wadannan fursunonin, ofishin kula da harkokin fursunonin na kungiyar Hamas ya sanar da cewa, an kammala nazari da tantance sunayen fursunonin a cikin gidan yarin na Aufan dalili, an tuntubi masu shiga tsakani da kungiyar agaji ta Red Cross, kuma an jaddada cewa dole ne gwamnatin Isra'ila ta saki duk fursunonin da sunayensu ke cikin jerin.
Ofishin ya jaddada cewa motocin safa masu dauke da fursunoni za su bar gidan yarin na Ofer nan da wani lokaci kadan. Bayan sa'a guda, hukumar kula da gidajen yari ta Haramtacciyar Kasar Isra'ila ta ba da rahoton cewa an sako dukkan fursunonin Falasdinawa 90.
