Makaranta biyar sun fafata a karo na 14 a gasar kur'ani ta lambar yabo ta "Al-Amid" a Iraki
Shafin Al-Kafeel Global Network ya nakalto cewa, ana gudanar da wannan gasa ne a karkashin cibiyar nazarin ilimin kur’ani mai tsarki ta haramin Abbas (a.s) tare da halartar malamai daga kasashe 22 na duniya, tare da halartar manya manyan makarata 30 da kuma kananan yara 10.
Wannan bugu na gasar ya shaida halartar manyan malamai kamar haka: Muhammad Rizqan daga Indonesia, Ammar Salem Heli daga Iraki, Muhammad Hassanzadeh daga Afghanistan, Rahim Sharifi daga Iran, da Muhammad Ali Qasim daga Lebanon.
Kwamitin alkalan kasa da kasa da suka hada da Sheikh Muhammad Bassiuni na Masar, da Sheikh Bassem Al-Abadi daga Iraki, da Dr. Mushtaq Al-Abadi na Iraki, da Sheikh Abdulkabir Haidari na kasar Afghanistan, da Sheikh Muhammad Asfour na Masar, da Qari Sayyed Hassanein Al-Helou daga Iraki, da Qari Karim Mousavi daga Iran, da Qari Muhammad Rimal daga Lebanon.
Wannan gasar dai daya ce daga cikin shirye-shiryen da ake yi na yada al'adun kur'ani mai tsarki na Abbas (a.s) kuma hanya ce ta daidai ga daidaikun mutane da al'umma, inda masu karatu daga kasashen Larabawa, Asiya da Afirka suka shiga.
Abdelrahman Natawish dan kasar Aljeriya a jawabinsa game da gasar ya jaddada cewa gasar karatun kur'ani ta kasa da kasa na da nufin yada koyarwar muslunci da al'adun kur'ani a tsakanin al'ummomi daban-daban.
Ya ce: "Wannan gasa tana daya daga cikin gasa mafi girma na karatun kur'ani a duniya, wanda manufarsa ita ce yada ilimin addinin musulunci da al'adun kur'ani a tsakanin dukkanin al'ummar musulmi."
Mahalarta taron dan kasar Aljeriya ya bayyana farin cikinsa da kasancewarsa a kasar Iraki da kuma halartar wannan gasa tare da gode wa dakin ibada na al-Abbas (a.s) da suka gudanar da wannan gasa.
