Zauren Sadaukarwa ga mata a tsakiyar Masallacin Harami

IQNA - Hukumar kula da harkokin masallatai biyu masu alfarma ta gudanar da ayyuka na musamman a tsakiyar masallacin Harami, wanda mafi muhimmanci shi ne rabon dakunan addu’o’i musamman ga mata domin gudanar da aikin Hajji na shekarar 1446 bayan hijira.

Babban daraktan kula da harkokin masallacin harami da masallacin Annabi (SAW) a karon farko ya sanya mata dakunan addu’o’i a tsakiyar masallacin Harami, wanda ya yi daidai da lokacin aikin Hajjin bana na shekara ta 1446 bayan hijira.

Sashen ya kuma samar da hadaddiyar aiyuka a cikin sabbin dakunan da aka ware domin mata mahajjata, kamar sashen kula da lafiya ta hanyar kungiyoyin agaji da ke shirye domin bin diddigin abubuwan da suka faru a cikin gaggawa, da kuma wurin da aka kebe na kayayyakin da aka bata domin a gaggauta kwato su.

Haka kuma wannan sashe ya samar da da'irar haddar kur'ani da gyara karatun kur'ani a wannan sashe, tare da bayar da kwafin tafsirin kur'ani, da bayar da jagoranci da nasiha a cikin lamurran addini da gudanar da ayyukan ibada, da shirya shige da fice a cikin dakunan sallah da masallatai, da kuma shirya dakunan addu'o'i na nakasassu masu tafarki na musamman da keken guragu.

Babban Daraktan kula da harkokin Masallacin Harami da Masallacin Manzon Allah (S.A.W) ya kuma sanar da cewa, kungiyoyin sa kai na mata a shirye suke don bayar da tallafin da ya kamata ga alhazai mata a lokuta na musamman na lokacin aikin Hajji tare da ci gaba da tsaftace dakunan sallar mata. An kuma samar da na'urorin wanke hannu ga mahajjata a wurare daban-daban a cikin Masallacin Harami.

4283667