Harin martinin Iran a kan gwamnatin sahyoniya a kafafen yada labaran duniya

IQNA - Tun da safiyar yau ne kafafen yada labarai na duniya ke ci gaba da yawo da hare-haren makamai masu linzami da Jamhuriyar Musulunci ta Iran ta yi kan yankunan da yahudawa suka mamaye biyo bayan harin wuce gona da iri da gwamnatin haramtacciyar kasar Isra’ila ta kai a yankunan kasar Iran.

Kamfanin dillancin labaran Associated Press ya rubuta a cikin labarin da ta bayar cewa: Iran ta dauki matakin ramuwar gayya bayan harin da Isra'ila ta kai kan shirinta na nukiliya da na soja.

Kamfanin dillancin labaran Associated Press ya kara da cewa: Bayan wasu munanan hare-hare da Isra'ila ta kai kan wuraren shirin nukiliyar Iran da dakarunta, Iran ta kaddamar da harin ramuwar gayya da makami mai linzami kan Isra'ila a safiyar ranar Asabar 14 ga watan Yunin shekara ta 1404.

Kamfanin dillancin labaran Associated Press ya ci gaba da wannan labarin da bayar da rahoto cewa: Iran ta harba makami mai linzami kan Isra'ila.

Kamfanin dillancin labaran reuters: Iran ta harba makami mai linzami kan wasu manyan biranen kasar Isra'ila biyu

Kamfanin dillancin labaran reuters ya kuma bayyana cewa da sanyin safiyar Asabar din nan ne Iran da Isra'ila suka kai wa juna hari bayan da Isra'ila ta kai hare-hare ta sama kan Iran.

Kamfanin dillancin labaran reuters ya kara da cewa an yi ta jin karar harbe-harbe a biranen Tel Aviv da birnin Kudus, lamarin da ya sa mazauna garuruwan biyu tserewa daga ci gaba da rige-rigen makamai masu linzami na Iran.

Wakilin CNN ya yi mamakin harin makami mai linzami da Iran ta kai birnin Kudus

A wani labarin kuma kan harin makami mai linzami da kasar Iran ta kai kan yankunan da aka mamaya a matsayin martani ga mahukuntan yahudawan sahyuniya na ci gaba da kai farmaki kan kasar Iran, CNN ta yi mamakin harin da aka kai birnin Kudus, birnin da ke da yawancin muhimman ofisoshin gudanarwa na gwamnatin.

Kafofin yada labaran yahudawan sahyuniya sun kuma bayar da rahoton cewa a safiyar yau an kai wani sabon hari da makami mai linzami na Iran a kan Tel Aviv da kuma wasu yankuna da dama a arewaci da tsakiya da kuma kudancin Palasdinu da ta mamaye.

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Al-Alam cewa, bayan shirin da Iran ta yi na Operation True Promise 3, na mayar da martani ga hare-haren wuce gona da iri na gwamnatin sahyoniyawan, kamfanin dillancin labaran kasar Rasha TASS ya bayar da rahoton cewa, makami mai linzami na Iran ya kai hari fiye da 150, ciki har da sansanonin sojin Isra'ila, inda jiragen yakin F-35, F-16, da F-15 suke.

4288516