Taron kasa da kasa kan Maulidin Manzon Allah (SAW) da za a gudanar a kasar Indiya
A cewar Sadi Al-Balad, za a gudanar da wannan taro ne a ranar 13 ga Satumba, 2025 karkashin kulawar Sheikh Abu Bakr Ahmed, Mufti na kasar Indiya, tare da tallafin kai tsaye daga jami'ar cibiyar al'adun Sunna ta kasar.
Tawagogin ilimi da basira daga kasashe daban-daban na duniya da wakilan kungiyoyin addini da suka hada da Mahmoud Bahensi mataimakin ministan aukaf na Masar kan harkokin ilimi ne za su halarci wannan taron.
Taron zai yi nazari ne kan batutuwa kamar su "Gudunmawar Maulidin Manzon Allah (SAW) wajen karfafa tunanin jin kai da zaman tare a tsakanin al'ummomi", "Dabi'u na rayuwar Manzon Allah da tasirinsa wajen warware rikice-rikicen da ake fuskanta a halin yanzu", da "Hakin kungiyoyin Musulunci na gabatar da matsayin Manzon Allah (SAW) a matsayin abin koyi na bil'adama a duniya".
Ana sa ran taron zai samu halartar kungiyoyi daban-daban daga ciki da wajen kasar Indiya, kuma taron zai gabatar da shirye-shirye na al'adu da addu'o'i da kuma wakokin yabo na nuna ibada da soyayya ga Manzon Allah (SAW). Taron na Calicut, a matsayin taron Musulunci na duniya, zai kuma bayyana irin rawar da cibiyar al'adun Sunna ta jami'ar Indiya ta ke takawa wajen yi wa addini hidima, da yada tsaka-tsaki da kira zuwa ga ma'auni na ma'aiki.
