Netherlands ta shirya baje kolin hotuna na laifukan gwamnatin sahyoniyawan a Gaza
A cewar cibiyar yada labaran Falasdinu, wasu gungun masu fafutuka na kasashen Larabawa da na Holland sun hallara a babban tashar jirgin kasa da ke birnin Amsterdam don yin Allah wadai da laifukan da yahudawan sahyuniya suka aikata a zirin Gaza.
Wannan zanga-zangar ta kasance tare da wani baje koli na shiru wanda ke nuna hotuna da wuraren kisan gilla, tashin bama-bamai, da hare-haren da sojojin mamaya suka kai kan fararen hula marasa tsaro a Gaza. Wani bangare na baje kolin kuma an sadaukar da shi ne don wakiltar yanayin yunwar mutane da laifukan kisan kare dangi da Isra'ila ke yi.
A cikin wannan yunkuri na zanga-zangar, masu zanga-zangar sun rera taken nuna goyon bayan 'yancin Falasdinu tare da neman kawo karshen goyon bayan da gwamnatin kasar Holland ke ba wa gwamnatin sahyoniyawan a hukumance.
Babban birnin kasar Holland da sauran biranen kasar sun kasance wurin zanga-zangar kin jinin yaki da taruka da dama a 'yan watannin nan; Zanga-zangar da mahalarta taron suka bukaci kawo karshen yakin, da dage takunkumin da aka yi wa Gaza ba bisa ka'ida ba, da kuma matakan da gwamnati ta dauka, ciki har da yanke hulda da Isra'ila.
Ana ci gaba da zanga-zangar duk da cewa, kwana guda bayan murabus din Ministan Harkokin Wajen Holland, dukkan ministocin jam'iyyar "New Social Contract" su ma sun yi murabus daga gwamnatin wucin gadi; matakin da aka dauka a matsayin wata alama ta nuna adawa da gazawar sanya takunkumi kan gwamnatin sahyoniyawan.
