Babban Masallacin Saratov ya shirya baje kolin "Duniyar Kur'ani"
A cewar musulmin duniya, wannan baje kolin na daya daga cikin muhimman ayyukan addinin musulunci a yankin Volga na kasar Rasha, wanda aka bude a ranar 20 ga watan Satumban shekarar 2025 a matsayin wani fitaccen aikin al'adu da addini a babban masallacin birnin Saratov na kasar Rasha.
Tawagogin kasashen Rasha da Qatar da kuma malaman addini da na al'adu, sun halarci bikin bude baje kolin kur'ani, da kuma amfani da sabbin fasahohin zamani da kafofin yada labarai na kaset, taron ya baiwa maziyarta damar yin mu'amala da nassin kur'ani kai tsaye tare da fahimtar ma'anonin sa a cikin wani sabon fili da ya hade asali da kirkire-kirkire.
Masu shirya baje kolin sun gabatar da bayanai don gabatar da maziyartan masu shekaru daban-daban kan fasahar harafin kur’ani ta hanyar baje kolin kyawawan haruffan kur’ani da tarihin kur’ani da aka rubuta da hannu.
A matsayin daya daga cikin muhimman ayyukan Musulunci a kasar Rasha, wannan taron yana jaddada rawar da manya-manyan masallatai, ciki har da babban masallacin Saratov, a matsayin wata cibiya mai karfi wajen hada ayyukan ibada, al'adu, da ilimi.
Masu shirya wannan baje kolin na fatan cewa baje kolin na Saratov zai zama wata gada ta karfafa tattaunawa kan al'adu da karfafa gwiwar matasa masu tasowa su fahimci kur'ani ba kawai a matsayin littafi na addini ba, har ma a matsayin cikakkiyar sakon al'adu da ruhaniya.
Yana da kyau a san cewa ana gudanar da baje kolin kur'ani na duniya ne bisa hadin gwiwar al'adu da addini tsakanin Qatar da Tarayyar Rasha, kuma a bugu na biyu da zai ci gaba har zuwa ranar 6 ga Oktoban 2025 birane hudu na Moscow, Saratov, Saransk, da Kazan za su gudanar da shirye-shiryensa.
Wannan shi ne yayin da aka gudanar da bugu na farko na nunin a watan Nuwamba 2024 kawai a Moscow.
