Pang-rehiyunal na Pag-aalsa, Bunga ng Rebolusyon noong 1979

Sinabi ng Pinuno ng Islamikong Rebolusyon na si Ayatollah Sayyed Ali Khamenei sa isang pagtitipon ng mga komandante ng militar at pulisya noong Linggo na ang bansa ay ipagpapala kapag ito ay gumawa ng mga walang-pagod na pagsisikap, magpatibay ng mga pamamaraang pang-matagalan at umasa sa Diyos.

Nabanggit din ni Ayatollah Khamenei ang umuusbong na mga pagkikilos sa rehiyon, at sinabing “ang mga pinagpalang pagkilos ay bunga ng tiyaga at katapangan ng bansa ng Iran” at “mas marami pang mga pagsulong ang paparating sa rehiyon.”

Ayon kay Ayatollah Khamenei, ang tao ay may pagkakataon sa pamamagitan ng pagtahak ng landas ng Diyos. Sinabi niya na ang sikreto sa kaunlaran ay ang pananampalataya sa Diyos, sigasig sa kabila ng mga suliranin, at isang pang-matagalan at pahabang pamamaraan tungo sa paglutas ng mga suliranin.

Inilarawan ni Ayatollah Khamenei ang di-pangkaraniwang Islamikong Rebolusyon ng Iran bilang halimbawa ng mga lumalaganap na pagkikilos, at idinagdag pa niya na bawa’t manunuri sa mundo ay naniniwala na ang mga pambayanang kilusan sa kasalukuyan sa Gitnang Silangan at sa Hilagang Aprika ay napukaw ng pag-aalsa ng bansang Iran noong 1979.
Sinabi niya na ang Islamikong Rebolusyon ay nagpabago ng pang-rehiyon at pandaigdigang ekwasyon, kasama na ang suliraning Palestino, at winasak nito ang kakila-kilabot na imahe ng pandaigdigang pagmamataas.
“Ang kasalukuyang pagkilos sa rehiyon ay resulta ng banayad na pagkaipon ng mga pag-engganyo, saloobin at pagpapasiya, bagaman ngayon lamang ito umuusbong,” sinabi pa ni Ayatollah Khamenei.
“Ang Islamikong Rebolusyon ay tumatayo bilang isang pinagpalang puno na bunga ng 32 taong pagtitiyaga na namulaklak sa pamamagitan ng pambansang dignidad, karangalang pampulitika, mga pagsulong sa siyensya at ekonomiya at matagumpay na pagtitiyaga laban sa mga mapang-aping makapangyarihan, na tulong-tulong sa kahuli-hulihan na ito ay maging isang modelo para sa mga bansa sa rehiyon,” ayon sa Pinuno ng Islamikong Rebolusyon.
Sinabi rin ng Pinuno na ipinakita ng bansang Iran ang tagumpay nito sa usaping nukleyar.
“Sa usaping nukleyar, inubos nang lahat ng mga mapagmataas na mga makapangyarihan ang pampulitika, pang-ekonomiya at abilidad sa pagpapalaganap para talikdan ng Iran ang karapatan nitong pang-nukleyar, nguni’t natalo ng Islamikong Republika ang lahat ng panggigipit at napatunayan nito sa pamamagitan ng walong taong pagtutol na maaari nitong talunin ang mga pinakamalakas sa labanang pang-kalooban,” ayon kay Ayatollah Khamenei.
Sinabi rin ni Ayatollah Khamenei na ang Islamikong Republika, sa kanyang pakikipaglaban ng 32 na taon sa mga aroganteng makapangyarihan, ay nakagawa ng pagsulong sa halip na sumuko sa mga mang-aapi, samantalang itong mga manunupil, lalung-lalo na ang Estados Unidos ay nagdanas ng mga dagok at naging mahina kumpara sa mga nakalipas na panahon.
768476