Sheikh Awad Al-Faradi, Nagbibigay Inspirasyon sa Qari ng 'Kalagayan ng Pagbigkas' ng Ehipto
Taglay ang matatag na mukha at boses na nagpapakita ng epekto ng ilang mga dekada ng pagkilala sa Banal na Quran, tumayo siya sa entablado ng 'Kalagayan ng Pagbigkas' sa edad na 87 upang bigyang-diin na ang pagsasaulo at pagtuturo ng Quran ay walang limitasyon sa edad at ang mga tao ng Quran ay mananatiling pinagmumulan ng mga huwaran at inspirasyon, iniulat ni Al-Masraway.
Si Al-Faradi, mula sa Abu Homs sa Lalawigan ng Bahira sa Ehipto, ay nakatanggap ng espesyal na pagkilala mula sa hurado sa kanyang pakikilahok sa programa at binigyan ng karagdagang oras, at pinuri ng mga hurado ang kanyang kahusayan sa mga tuntunin ng pagtula at ang kanyang mahusay na pagganap.
Hinikayat din nila ang mga kalahok na makinabang mula sa karanasan ng qari ng Ehipto sa pagbigkas ng Quran, na alin sumasalamin sa kanyang kahusayan at mahabang kasaysayan sa paglilingkod sa Aklat ng Diyos.
Hindi madali ang paglalakbay ni Al-Faradi sa Quran. Lumaki siyang ulila at ang kanyang kalagayan ay nagtulak sa kanya na magtrabaho bilang isang magsasaka mula pa noong bata pa siya, na nagpaantala sa kanyang pagsasaulo ng Quran; ngunit sa paglipas ng mga taon, gumawa siya ng isang desisyon na nagpabago sa kanyang buhay. Ginawa niyang landas at paraan ng pamumuhay ang Quran at inialay ang kanyang sarili sa pagsasaulo, pagbigkas, at pagninilay-nilay sa banal na mga talata.
Hindi tumigil sa pagiging dalubhasa sa pagbigkas ang lalaking Ehiptiyano; natuto rin siya ng mga agham ng Quran, mga tuntunin ng Tajweed, at iba't ibang mga pagbasa ng Quran. Naglaan siya ng halos anim na mga oras sa isang araw sa pagrerepaso at pagbigkas ng Quran hanggang sa siya ay naging isa sa pinakakilalang mga guro ng Quran sa Abu Homs.
Nagbukas siya ng isang paaralan ng pagsasaulo ng Quran para sa mga bata sa kanyang kapitbahayan sa maliit na bayad at nagsilbi bilang imam ng kongregasyon sa Moske ng Tahrir sa Abu Homs.
Sa paglipas ng mga taon, matagumpay niyang naturuan ang mga henerasyon ng mga mambabasa ng Quran at tinuruan ang marami pang iba na bumasa at sumulat.
Ang Ehiptiyanong mambabasa ay naging tanyag dahil sa kanyang malambing na boses at kahusayan sa mga tuntunin ng pagbigkas.
Sabi niya, ang kanyang pagsali sa programa sa TV ay dumating matapos ang paghihikayat ng kanyang estudyante na si Sheikh Ahmed Amer, sino nagpaalam sa kanya na bukas na ang pagpaparehistro para sa programa. Nagpasya siyang subukan ang kanyang sarili sa programa sa kabila ng pakikipagkumpitensiya sa mga kalahok na ilang mga dekadang mas bata sa kanya.
Ipinaliwanag ni A-Faradi na ang yumaong mambabasa na si Sheikh Mustafa Ismail ang kanyang huwaran sa mundo ng pagbigkas dahil sa kanyang natatanging istilo at paaralan ng Quran na nakaimpluwensiya sa mga henerasyon ng mga mambabasa.
Ang presensiya ni Al-Faradi sa programang "Kalagayan ng Pagbigkas" ay nagdulot ng pagmamalaki sa mga tao ng Lalawigan ng Bahira, lalo na sa mga residente ng Abu Homs at sa kanyang mga estudyante, sino nanawagan para sa isang espesyal na pagdiriwang para sa kanya sa Moske ng Al-Tahrir, ang pinakamalaking moske sa rehiyon, bilang pagpapahalaga sa kanyang mga dekada ng dedikasyon sa pagtuturo ng Quran.
Mahalagang tandaan na ang ikalawang panahon ng programang "Kalagayan ng Pagbigkas", na alin nagsimula sa Ehipto ilang linggo na ang nakalilipas, ay patuloy na tumutuklas at nagpapaunlad ng mahuhusay na mga mambabasa mula sa iba't ibang mga lalawigan sa Ehipto.
Ang programang ito ay ginawa sa pakikipagtulungan ng Kagawaran ng Awqaf at Al-Mutahidah Media Services Company, na may layuning suportahan ang mga magsasaulo ng Quran at itaguyod ang kultura ng wastong pagbigkas ayon sa mga patakaran ng Tajweed.
