Hahadlangan ng Kamalayan sa Islam ang mga Masasamang Balak ng mga Kalaban

Pinuri ng Pinuno ng Islamikong Rebolusyon na si Ayatollah Sayyed Ali Khamenei noong Sabado ang mga serbisyo ng 3 sanga ng gobyerno, lalung-lalo na ang kasalukuyang Pangulo na walang tigil sa pagtrabaho, gabi’t araw, upang mapagsilbihan ang mga tao.

Siniguro ni Ayatollah Khamenei ang bansa na hindi papayagan ng kaniyang tanggapan na mapabayaan ang takbo ng Islamikong Rebolusyon.
“Sa pagtitiwala sa pagpapala ng Makapangyarihang Diyos, hindi ko papayagang mapabayaan ang mga pangunahing layunin ng bansa,” ayon sa kanya.
Sinabi ni Ayatollah Khamenei na simula nang tumayo ang mga mamamayan ng Iran at maging ulirang modelo para sa mga mamamayan ng rehiyon, naging tampulan na sila ng antagonikong pagpapalaganap.
“Huwag ninyong hahayaang magkaroon ng mga alitan o di-pagkakaunawaan kung hindi magwawagi ang mga kalaban sa kanilang inaasam sa pamamagitan ng pagpapalaganap.”
Tinuring ng Pinuno ang mga usapin ukol sa Ministro ng Intelihensya na pinapalaki sa pamamagitan ng propaganda ng kanluran at sinabing, “Nagpahiwatig na ang mga kalaban na naghahanap sila ng maaaring pagkakataon na makamit ang kanilang mithiin sa pamamagitan ng paglikha ng alitan sa mga hanay ng bansa.”
“Ang Islamikong Republika ay isang makapangyarihang sistema na may pinuno na nagpatibay ng matatag na paninindigan na ipagtanggol ang landas ng Islamikong Rebolusyon.”
Sa paggising ng mga Muslim, sinabi ng Pinuno na naging listo ang mga mamamayan ng rehiyon dahil sa Islam at sa Islamikong Rebolusyon.
Sa ngayon, nalilito at nayayanig pa rin ang Estados Unidos, Europa at ang mga Zionista sa mga Islamikong paggising sa rehiyon,” ayon kay Ayatollah Khamenei, at sinabing ang mga balak ng mga aroganteng ito na pangibabawan ang buong rehiyon ay mahahadlangan ng Islamikong kamalayan.
“Ang mga mamamayan sa rehiyon ay magwawagi nguni’t kinakailangang sila ay maging listo sa kadahilanang hindi titigil ang mga kalaban hangga’t hindi nito sila nalilinlang.”
“Ang Islamikong Republika ng Iran, ang bansa, ang gobyerno at ang mga piling tao sa politika ay hindi maaaring magsawalang bahala sa mga kasalukuyang kaganapan sa rehiyon.”
“Tahasang ipinahayag ng Islamikong Republika ng Iran ang kanyang paninindigan sa mga pangyayari sa rehiyon at hindi ito nakialam sa Bahrain, Yemen at Libya,” idinagdag pa niya.
“Lehitimong karapatan ng mga mamamayan ng Bahrain na ihayag ang kanilang pagtutol.”
“Nagkamali ang gobyerno ng Bahrain sa pakikitungo sa mga mamamayan at ang galit ng mga tao ay maaaring magpabagsak dito,” sinabi ni Ayatollah Khamenei.
“Nagkamali rin ang mga nagpadala ng mga sundalo sa Bahrain,” dagdag din niya.
“Ang mga arogante sa kanluran at ang pandaigdigang network na Zionista ang pangunahing may kasalanan sa mga nangyayari ngayon sa rehiyon,” sinabi ng Pinuno at sa kasalukuyan ay sumusugpo sa mga tao sa Gaza at pumapatay sa kanila, at ang mga bansa sa rehiyon pati na ang mga gobyerno ng mga ito ay hindi dapat na hayaan ang mga layunin ng rehimeng Zionista.

779574