BALITA: 28 na mga Moske sa Bahrain Sinunog

Humigit-kumulang na 28 na mga moske at 50 na bulwagang panluksa ang binuwag sa Bahrain simula nang mag-umpisa ang mga pagtutol laban sa rehimen noong Pebrero, ayon sa pag-uulat.

Sinabi ng mga aktibista sa BNA noong Biyernes na ang mga moske ay sinira sa panahon ng mga protesta laban sa gobyerno. Ang ilan sa mga moskeng ito ay matatagpuan sa Karzakan, Salmabad, Bu Quwah at A’ali.
Ang mga mamamayan ng Bahrain ay nag-umpisang lumabas sa kalye upang maghayag ng kanilang pagtutol laban sa dinastiya ng Al Khalifa noong ika-14 ng Pebrero.
Ang mga malawakang pagpapahayag na binansagang mga rali ng ‘Biyernes ng Qur’an’ ay isinagawa noong 22 ng Abril upang batikusin ang matinding pagsugpo ng rehimen sa tulong ng Saudi sa mga pagtutol.
Noong Marso, ang Saudi Arabia, United Arab Emirates at Kuwait ay nagpakalat ng kanilang mga sundalo sa Bahrain upang patibayin ang brutal na armadong pagdurog sa mga malawakang pagtutol.
Napakarami nang bilang ng mga nagpoprotesta ang namatay at marami pang iba ang mga nawawala sa brutal na pagdurog sa mga pagtutol na ito sa Bahrain.
Ayon kay Nabeel Rajab, ang Pinuno ng Sentro ng Bahrain para sa Karapatang Pantao, ang rehimen sa Manama ang kailangang managot sa mga krimeng ginagawa sa mga nagpoprotesta.
Kahit na ang mga militar ng Saudi ay nasa Bahrain, ang gobyerno pa rin ng Bahrain ang pangunahing may responsibilidad sa mga pagsugpo at pag-uusig, sinabi ni Rajab sa isang panayam sa BNA noong Miyerkoles.779622