Ang Umrah na Paglalakbay Sinuspinde Dahil sa mga Alalahanin sa Coronavirus
Ang Ministri ng Panlabas na mga Kapakanan ng Kaharian ng Saudi Arabia ay nag-tweet ng maagang Huwebes na ang pansamantalang pagsuspinde sa Umrah ay isang pag-iingat na hakbang upang maiwasan ang pagkalat ng bagong sakit.
Sinabi ng Panlabas na Ministri na ang pagpapasya ay isa sa tatlong mga pag-iingat na ginawa ng pamahalaang Saudi na "magbigay ng sukdulang proteksyon sa kaligtasan ng mga mamamayan at mga residente at ang lahat na nagnanais na pumunta sa teritoryo ng Kaharian upang maisagawa ang Umrah o bisitahin ang Moske ng Propeta o para sa layunin ng turismo," iniulat ng Press TV.
Ang Umrah, isang mas maliit na paglalakbay kaysa sa taunang Hajj, ay kasali ang pagbisita sa Saudi Arabia kung saan matatagpuan ang pinakabanal na pook ng Islam ang Kaaba.
Ang bagong coronavirus, na pinaniniwalaang nagmula sa isang merkado na nagbebenta ng maiilap na hayop-gubat (wildlife) sa Intsik na lungsod ng Wuhan huli noong nakaraang taon, ay nahawahan ang halos sa 80,000 na katao at pumatay ng higit sa 2,700, ang karamihan sa Tsina. Ang bilang ng kumpirmadong mga kaso ay tumaas sa itaas ng 80,000.
