Batas ng Pransiya na Naghahanap na Ipagbawal ang Hijab sa Kaganapang Palakasan
Ang Senado ng Pransya ay bumoto pabor sa pagbabawal sa pagsusuot ng mga hijab sa mga kumpetisyon sa palakasan, na nangangatwiran na ang neutralidad ay isang kinakailangan sa larangan ng paglalaro.
Ang mataas na lehislatibong kapulungan ng Pransiya ay bumoto noong huling bahagi ng Martes pabor sa pagbabago sa isang iminungkahing batas na nagsasaad na ang pagsusuot ng “mga kilalang simbolo ng panrelihiyon ay ipinagbabawal” upang makilahok sa mga kaganapan at mga kumpetisyon na inorganisa ng mga kalipunang palakasan.
Sa kanilang teksto, malinaw na sinabi ng mga senador na ang layunin ng pagbabago ay ipagbawal ang “pagsuot ng belo sa mga kumpetisyon ng palakasan”. Idinagdag nila na maaaring ilagay sa peligro ng mga bandana sa ulo ang kaligtasan ng mga atleta na nagsusuot nito kapag sila ay nagsasanay ng kanilang larangan.
Ang pagbabago, na iminungkahi ng kanang-panig na grupong Les Republicains at tinutulan ang pamahalaan ng Pransiya, ay pinagtibay na may 160 na mga boto na pabor at 143 ang laban. Dapat nang magtipon ang isang komisyon na binubuo ng mga miyembro mula sa Senado at mababang kapulungan upang maghanap ng kompromiso sa teksto bago iyon mailathala, ibig sabihin ay maaari pa ring mabura ang pagbabago.
Hindi malinaw kung ang pagbabawal ay ipapatupad para sa 2024 Paris Olympics. Ang komite ng pag-oorganisa ng Olympic ay hindi kaagad sumagot sa isang kahilingan para sa komento.
Dumating ang boto isang taon matapos aprubahan ng mga mambabatas sa mababang kapulungan ng Parlamento ng Pranses ang isang panukalang batas para palakasin ang pangangasiwa sa mga moske, mga paaralan at mga kalipunan ng palakasan sa hangaring protektahan ang Pransiya mula sa mga "radikal na mga Islamista" at upang itaguyod ang "paggalang sa mga halaga ng Pranses" - isa sa palatandann ng mga proyekto ng Pangulo na si Emmanuel Macron.
Ang Pransiya ay tinamaan ng ilang mga pag-atake sa nakaraang mga taon. Ngunit nakikita rin ng mga kritiko ang batas bilang isang pampulitikang pakana upang akitin ang kanang panig sa partidong sentro ni Macron bago ang halalan sa pampanguluhan ngayong taon.
Sa kanilang pagbabago, sinabi ng mga senador na ang bawat mamamayan ay malayang gamitin ang kanyang relihiyon, ngunit iginiit na dapat pigilin ang isa na isulong ang kanilang mga pagkakaiba.
"Ngayon, mayroong ligal na kawalan ng katiyakan tungkol sa pagsusuot ng mga simbolo ng panrelihiyon, at kinakailangan para sa estado na malinaw na tukuyin ang mga patakaran," binasa ang pagbabago na binoto ng mga senador. "Kung ang pagsusuot ng belo ay hindi tahasang ipinagbabawal, makikita natin ang paglitaw ng mga kalipunan ng pamayanan ng palakasan na nagtataguyod ng ilang panrelihiyosong mga palatandaan."
Ipinagbabawal na ng pederasyon ng putbol ng Pransiya ang mga kababaihan mula sa pagsusuot ng hijab sa mga palakasan na laban, gayundin sa mga kumpetisyon na inoorganisa nito.
Pinagmulan: Al-Jazeera
