Sinimulan ang Plano ng Pananakop ng Israeli na Kumpiskahin ang 70 na mga Bahay ng mga Palestino sa Al-Khalil
Sinabi ng direktor ng Komite ng Pagtatayo ng Al-Khalil (Hebron) na si Imad Hamdan na plano ng pananakop ng Israel na ibigay ang mga tahanan ng Palestino sa mga taong nanakop na Israeli.
Idinagdag ni Hamdan: "Ang panalakay ng Israeli sa mga gusali ng Nasreddine ay ang simula ng pagpapatupad ng planong Israeli," inulit na ang mga Palestino "ay ang tunay na may-ari ng mga bahay at mga tindahan na ito."
Kasabay nito, idiniin niya na ang pagmamay-ari ng Palestino sa mga gusaling ito ay protektado ng mga lokal at pandaigdigang mga batas, na alin ginagarantiyahan ang ligtas at kaseguruhan na paninirahan ng mga mamamayan at pinipigilan ang sapilitang pagpapatalsik.
Samantala, ang Palestino na aktibista sa Hebron na si Issa Amro ay pinuna ang "mahina na tugon" ng Komite ng Pagtatayo sa mga plano ng pananakop ng Israel, na binibigyang diin: "Ang pagsisimula ng pagpapatupad ng plano ng Israeli, na isiniwalat sa unang bahagi ng taong ito, ay isang mapanganib na alarma."
Sinabi ni Amro: "Ang sapilitang pagpapatalsik sa mga Palestino palabas ng Gusali ng Nasreddine, na alin matatagpuan sa pinakasensitibong mga lugar sa Lumang Lungsod, ay hindi isang insidente na dapat ipasa nang walang anumang opisyal na aksyon."
Inakusahan ni Amro ang Komite ng Pagtatayo ng Al-Khalil, isang samahan ng pamahalaan ng Palestino, ng pag-uugnay sa pagnanakaw ng kayamanan ng Palestino kasama awtoridad ng pananakop ng Israeli.
Kinondena ng aktibista ang pananahimik ng Komite ng Pagtatayo ng Al-Khalil sa demolisyon ng anim na mga tinda ng Palestino ng mga taong nananakop na Israeli sa gitna ng lungsod ilang mga araw na ang nakakaraan, na nagsasaad na ang komite ay may malaking pondo at marami pang magagawa para sa proteksyon ng pag-aari ng Palestino sa lungsod.
