Ang Paglapastangan sa Qur’an ay Nagkalat ng Diskriminasyon, Poot
Ang webinar na "Misyon ng Muslim na Mundo na mga Unibersidad sa Harap ng Paglapastangan ng Qur’an at Seerah Nabawi" ay magkatuwang na inorganisa noong Linggo sa pamamagitan ng Unibersidad ng Iran sa Isfahan at Unibersidad ng Imam Kadhim (AS) sa Iraq.
Si Noufel Rahman al-Jabouri, ang kinatawan kanselor ng Unibersidad ng Imam Kadhim (AS), ay nagsabi sa onlayn na seminar na ang kamakailang pagsunog ng Qur’an ay mga resulta ng direkta at hindi direktang mga pagkabigo upang harapin ang mga gawa ng kalapastanganan.
Binigyang-diin niya ang pangangailangan para sa pagpapataas ng kamalayan sa lipunan upang manindigan laban sa mga naturang hakbang, idinagdag na ang pangangailangan para sa paggalang sa mga paniniwala ng iba, pagkakaroon ng pagpapaubaya, at pagkakaroon ng mapayapang pakikipamuhay sa mga tagasunod ng iba't ibang mga pananampalataya ay dapat isulong.
Nanawagan din si Al-Jabouri para sa mga legal na hakbang na dapat gawin laban sa mga nagpaparumi sa mga kabanalan ng Muslim at laban sa kanilang mga tagasuporta.
Idinagdag niya na ang pagsunog at paglapastangan sa Qur’an ay ang paglabag sa pangunahing mga karapatan ng mga Muslim at pagpapalaganap ng mga binhi ng diskriminasyon at poot sa mga tao.
Si Aqil Jassim Kadhim al-Muhammadawi, patnugot ng departamento ng Qur’an at Hadith ng Unibersidad ng Imam Kadhim, ay isa pang tagapagsalita sa webinar.
Pinuna niya ang kawalan ng tamang reaksiyon mula sa ilang mga opisyal at mga iskolar ng unibersidad sa mga gawain ng pagsira sa Qur’an.
Nanawagan din siya sa mga estudyanteng Muslim na maging armado ng mga turo ng Qur’an upang harapin ang lihis na mga kaisipan.
- ISESCO Naglunsad ng Kampanya bilang Reaksiyon sa mga Paglapastangan sa Qur’an
Binigyang-diin din ni Al-Muhammadawi ang pangangailangan para sa pagbubuo ng mga sentro ng Qur’an at pagsuporta sa mga proyekto at mga programa ng Qur’an.
Ang Propesor ng Unibersidad ng Isfahan na si Mohammad Reza Sotudehnia ay nakipag-usap din sa webinar, na binibigyang-diin na ang mga pagtatangka sa paglapastangan ng Qur’an ay mabibigo na pahinain ang napakagandang katayuan ng Banal na Aklat.
Sinabi niya na kinakailangan na ang mga iskolar at mga kilalang tao ng unibersidad ay dapat magkaisa laban sa mga kaaway ng Qur’an.
Nanawagan din siya para sa pagtatatag ng isang sentro para sa pagsubaybay sa mga isyu na may kaugnayan sa Banal na Qur’an sa mundo.
Sa nakalipas na mga linggo, ang mga paglapastangan sa Qur’an sa Sweden, Denmark at Netherlands na may pahintulot ng gobyerno at proteksyon ng pulisya ay umani ng malawakang galit at pagkondena mula sa mundo ng Muslim.
Hinahayaan ng mga bansang Uropiano na mangyari ang mga kalapastanganan sa ilalim ng pagkukunwari ng tinatawag na kalayaan sa pagsasalita sa kabila ng malawak na pagkondena mula sa mga estadong Muslim at hindi Muslim at maging sa harap ng isang panukala ng Konseho ng Karapatang Pantao ng UN laban sa mga naturang gawain.
