15% Tumaas sa mga Pagbisita ng Muslim sa Russia Nakarehistro noong 2023
Ito ay alinsunod sa Serbisyo ng Istatistika ng Pederal na Estado ng bansa, iniulat ni al-Watan.
Ang mga Muslim mula sa iba't ibang panig ng mundo ay naglalakbay sa Russia upang bisitahin ang mga makasaysayang mga lugar ng bansa, lalo na sa Republika ng Tatarstan kung saan maraming Islamikong gusali na may Islamikong Arkitektura pati na rin ang magagandang halal na mga imprastraktura.
Sa nagdaang mga taon, ang mga serbisyo ng halal na turismo ay binuo sa Russia. Ang isang pamantayan ng pamahalaan para sa pag-aalok ng mga produktong halal at mga serbisyo ay naaprubahan noong nakaraang taon.
Doble ang bilang ng mga turista mula sa Turkey, Iran at Tajikistan na bumisita sa Russia noong 2023 kumpara noong 2022 habang ang bilang ng mga mula sa United Arab Emirates ay lumaki ng limang beses.
Ang lungsod ng Bolgar na matatagpuan sa kaliwang pampang ng Ilog ng Volga ay isang pangunahing atraksyong panturista sa Tatarstan.
Ang lungsod, na malapit sa Kazan, ang kabisera ng republika, ay mayaman sa sinaunang mga lugar ng Muslim.
Ang Volga Bulgaria ay isang makasaysayang estado ng Bulgar na umiral sa pagitan ng ika-7 at ika-13 siglo sa paligid ng pagtatagpo ng Ilog ng Volga at Kama, sa ngayon ay Uropiano na Russia.
Noong taong 922 AD, tinanggap ng hari ng Volga Bulgaira ang Islam at gayundin ang mga tao sa rehiyon.
Bawat taon, ang anibersaryo ng pagdating ng Islam sa lugar ay ipinagdiriwang sa buwan ng Mayo.
Mayroong museo ng pamana ng Islam sa Republika ng Tatarstan na nagtataglay ng pinakamalaking naka-imprinta na kopya ng Banal na Qur’an sa mundo.
Ang kopya ay may sukat na 2 by 1.5 na metro at may timbang na halos 800 na mga kilo.
Ang Russia ay may malaking populasyon ng mga Muslim. Mayroong tinatayang higit sa 20 milyong Muslim sa bansa, na marami sa kanila ay nakatira sa Tatarstan.
