Patuloy na Iniimbestigahan ng Pulisya sa Mississauga, Canada ang Paninira sa Moske
"Dahil isa itong sentrong Islamiko, at dahil sa sensitibong kalikasan ng lugar na iyon, ito ay isang lugar ng pagsamba, isang lugar kung saan nagtitipon ang mga miyembro ng pamayanang Islamiko, siyempre isinasama namin sa konsiderasyon na maaaring udyok ng galit ito," sabi ni Bell-Morena sa CBC Toronto noong Biyernes. Ayon sa kuha ng CCTV na nakita ng CBC, makikita ang isang lalaki na binabasag ang salamin ng pintuan sa harap ng Ar-Rehman Islamic Centre gamit ang tila longboard o skateboard.
Ginawa rin ng suspek ang parehong bagay sa Islamic Relief Center, ICNA Relief Canada, na katabi ng moske, bago ito umalis.
Hinahanap ng pulisya ang suspek sa diumano’y pagsalakay na udyok ng galit sa Mississauga Tim Hortons. Tumaas ng 19% ang mga kaso ng mga krimen sa galit sa Toronto noong 2024, ngunit bumababa ito ngayong taon, ayon sa pulisya. Sa kabutihang-palad, hindi nakapasok ang tao sa loob ng mga establisyemento at walang naiulat na nasaktan, ayon kay Bell-Morena.
Hindi pa natutukoy ng pulisya ang pangalan ng suspek, ngunit nakikipagtulungan sila sa mga miyembro ng komunidad sa lugar na nagsabing nakita na nila ang taong ito noon, ayon kay Bell-Morena. Sinabi niya na kahit iniimbestigahan ng yunit ng udyok sa galit ang kaso, ang suspek ay hinahanap sa kasong kapilyuhan.
"Mahalagang magsagawa kami ng imbestigasyon dahil hindi lahat ng pangyayari sa relihiyosong mga institusyon ay udyok sa galit, at minsan naman ay ganoon. Ang ibig sabihin nito ay lahat ng mga pangyayari ng poot ay krimen, ngunit hindi lahat ng krimen ay udyok sa galit," sabi ni Bell-Morena.
Nanginig ang komunidad. May ilan sa komunidad na natatakot, ayon kay Minhaj Qureshi, tagapangulo ng ICNA Canada Mississauga.
"May takot sa kanila. Itinanong nila kung ligtas ba kami rito o hindi," sabi ni Qureshi sa CBC noong Biyernes.
Sinabi ni Qureshi na naniniwala siyang udyok sa gali ang insidente at tinutuligsa niya ang pulisya dahil hindi naglalabas ng karagdagang impormasyon tungkol sa imbestigasyon. "Ano ba ang ginagawa nila [pulisya]? Sa ngayon, wala pa kaming impormasyon kung nahuli na ang tao o hindi," sabi ni Qureshi. "Gusto namin ng hustisya. Gusto namin ng pagkakapantay-pantay. Iyon lang ang aming hinihingi, wala na kaming ibang hinihingi."
Sinabi rin niya na gusto niyang maintindihan kung bakit hindi pa naglalabas ng larawan o video ng suspek ang pulisya.
"Labindalawang mga araw na ang lumipas, ngunit hanggang ngayon hindi pa rin nila inilalabas ang larawang iyon," sabi ni Qureshi. Ipinaliwanag naman ni Bell-Morena na ang dahilan kung bakit hindi naglalabas ng impormasyon ang pulisya ay dahil naniniwala ang mga imbestigador na walang banta sa publiko.
"Kung ito ay isang tahasang pag-atake laban sa isang indibidwal, mas pinaigting sana ang aming paraan ng pag-apela sa publiko," sabi ni Bell-Morena. "Nais ng mga imbestigador na mahuli ang taong ito at kasalukuyan silang sumusunod sa ilang mga palatandaan. Minsan kailangan nilang timbangin ang pagpigil sa impormasyon bago ito ilabas sa publiko dahil minsan maaaring makasagabal ito sa kanilang proseso at plano."
