Isasalin sa Wikang Betawi ang Quran sa Indonesia
Ang wikang Betawi, na kilala rin bilang Batavian, Jakartanese, Betawi Malay, Batavian Malay, o Jakarta Malay, ay ang wikang sinasalita ng mga taong Betawi sa loob at paligid ng Jakarta. Ayon sa kagawaran, sinimulan ang proseso ng pagsasalin noong 2024 at kasalukuyang nasa yugto na ng beripikasyon o pagpapatunay.
“Ang pagsasalin ng Quran sa wikang Betawi ay nagsisilbing tulay sa pagitan ng banal na kasulatan at ng mga karanasan ng mga tao sa buhay, at ito ay isang konkretong pagpapakita ng inklusibong relihiyosong karunungang bumasa't sumulat,” ayon kay Sidik Sisdiyanto, pinuno ng Sentro para sa Pagsusuri ng Panrelihiyong mga Aklat, mga Panayam, at Panrelihiyon na Karunungang Bumasa't Sumulat (PBAL2K), sa Jakarta noong nakaraang linggo.
Ipinaliwanag ni Sidik na tinalakay ng PBAL2K ang proseso ng pagpapatunay upang matiyak na tama ang salin ayon sa mga patakaran ng agham ng Quran at sa katangian ng wikang Betawi. Ayon sa kanya, layunin ng pagsasalin ng Quran sa mga katutubong wika na mapalapit ang mga tao sa Banal na Aklat upang mas madali itong maunawaan at maisabuhay sa araw-araw.
Inaasahan na ang salin ng Quran sa wikang Betawi ay magiging isang pagkakataon para sa kabataang salinlahi ng mga Betawi na mas makilala ang Quran, at sa parehong panahon ay mapayaman ang mga kayamanang Islamiko ng kapuluan.
“Ang proseso ng pagpapatunay na ginagawa namin ngayon ay upang matiyak na bawat salita, pahayag, at kahulugan ay tunay na sumasalamin sa banal na mensahe habang iginagalang ang yaman ng wikang Betawi,” sabi ni Sidik.
Ayon sa kagawaran, hanggang sa kasalukuyan ay naisalin na nila ang Quran sa humigit-kumulang tatlumpung katutubong mga wika, at sampu sa mga ito ay na-digitize na.
