Mga Tampok ng Palatuntunang Quraniko ng Ehipto na ‘Kalagayan ng Pagbigkas’
Ito ay isang espesyal na patimpalak para sa talento sa pagbigkas ng Quran sa bansang Arabo. Ang ‘Kalagayan ng Pagbigkas’ ang pinakamalaking pagsusuri ng talent sa Ehipto para sa Quranikong pagbigkas at Tajweed, na nilikha sa pakikipagtulungan sa Kagawaran ng Awqaf at Kumpanya ng serbisyo ng United Media, na may layuning tuklasin ang mga talento at natatanging mga mambabasa mula sa iba’t ibang mga lalawigan ng bansa.
Pinangungunahan ni Aya Abdelrahman, ang ‘Kalagayan ng Pagbigkas’ ay isang makasaysayang hakbang sa pagsuporta sa Quranikong mga talento, muling pagbuhay sa tunay na paaralang Ehiptiyanong pagbigkas, at pagpapatibay sa matagal nang papel ng Ehipto bilang nangungunang ilaw ng kahusayan sa Quran at maalam na panrelihiyong pag-aaral.
Ang una at ikalawang mga bahagi ng palatuntunang ito ay ipinalabas sa Ehiptiyanong mga tsanel ng satelayt noong Nobyembre 14 at 15, at kaagad pagkatapos ng unang mga pagtatanghal, nahikayat nito ang atensiyon ng mga tagahanga ng Quran sa mundo ng Arab. Dahil sa pagkalat ng mga bidyo mula sa iba’t ibang mga bahagi ng palatuntunang, nakisabay din ang mga manonood mula sa Kuwait, Jordan, at Qatar.
Isa sa mga tampok na bahagi ng palatuntunang ito ang isang napakagandang pagbigkas ng Munafisah na umantig sa mga puso at nagbigay-saya sa lahat ng mga nanonood.
Ang Munafisah ay nangangahulugang salitan na pagbibigkas ng mga talata mula sa Banal na Quran.
Ang Munafisah na ito ay ginanap sa pagitan nina Muhammad Ayoub Asif, isang kilalang Britanyano na qari, at Muhammad Hassan Al-Qalaji, isang Ehiptiyanong sino kalahok na 12 mga taong gulang lamang at tinaguriang himala ng Lalawigan ng Sharqiya.
Nagpamalas ang dalawa ng kanilang husay sa kategorya ng pagbigkas sa gitna ng paghanga ng hurado at mga manonood. Ilang mga sandali matapos ipalabas ang programa, sumiklab din ang parehong reaksyon sa panlipunang midya, kung saan maraming gumagamit na nagsasalita ng Arabiko ang nagsimulang ikumpara ang dalawa, kahit pa nagkakaisa ang lahat na kahanga-hanga ang kanilang mga pagbibigkas.
Si Muhammad Ayoub Asif, isang tanyag na Britanyano na mambabasa mula England, ay lumalabas bilang panauhing pandangal sa iba’t ibang mga episodyo ng palatuntunan at gumagawa ng anim na Munafisah na mga pagbigkas kasama ang iba’t ibang mga kalahok.
Ang mambabasa na ipinanganak sa Pakistan ay lubos na minamahal sa Ehipto at mundo ng Arabo matapos ang 10 mga taon sa Cairo, kung saan pinag-aralan niya ang mga prinsipyo at mga tuntunin ng pagbigkas sa iba’t ibang mga Maqam. Nagsimula si Ayoub bilang manlalaro ng putbol para sa English club na Arsenal bago siya lumipat sa mundo ng pagbigkas ng Quran. Maaari mong panoorin ang bidyo sa ibaba.
Isang Kamangha-manghang Pagganap mula sa Isang Huwarang Qari at Hafiz
Si Mohammad Ahmad Hassan, isang 19-anyos na qari at tagapagsaulo ng Banal na Quran, ay nagbigay ng kahanga-hangang pagtatanghal sa palatuntunan na nagpaibig sa mga hurado at manonood. Ang maliwanag na hafiz na ito ay nagbigkas ng mga talata mula sa Surah Yusuf sa kanyang magandang tinig at naitatag ang kanyang pangalan bilang isa sa mga tinig na mamumuno sa susunod na mga henerasyon sa sining ng pagbigkas ng Quran.
Sinimulan niyang isaulo ang Quran sa edad na tatlo, at pagsapit ng walong taong gulang-sa tulong ng kanyang pamilya at mga guro na nakadiskubre ng kanyang magandang tinig at mataas na kakayahan sa mga alituntunin ng Tajweed, naisaulo niya ang buong Quran.
Pinuri ng mga tagamasid ang kanyang pagganap at binigyang-diin na ang kanyang balanse sa pagbibigkas at tibay ng tono, sa kabila ng kanyang murang edad, ang naglagay sa kanya bilang isang natatanging huwaran sa kabataang mga mambabasa. Ang kanyang hinaharap sa larangan ng pagbigkas ay maliwanag at puno ng mga tagumpay.
Nag-uso sa X at Google
Ang palatuntunang ‘Kalagayan ng Pagbigkas’ ay nag-uso din sa X at Google at naging nangungunang palatuntunan sa himpilan ng X sa Ehipto at sa ilang bansang Arabo, kabilang ang Kuwait, Qatar, at Jordan.
Ang mga pagtatanghal ng mga kalahok sa dalawang mga kategoryang pagbigkas at Tarteel ay sinalubong ng papuri mula sa publiko. Ang madamdaming mga sandali kagaya ng pagluha ni Yousef Abdul Aziz habang nagbabasa at ang paghalik sa kamay ni Qari Muhammad Ahmed Hassan (isang bulag na mambabasa at Hafiz) ni Mustafa Hassani, isang misyonerong Ehiptiyanong ay ilan sa pinakamagagandang mga tanawin ng palatuntunan. Nagdulot ang mga ito ng alon ng paghanga at pagbahagi sa panlipunang media, na kung saan inilarawan ng mga gumagamit ang palatuntunang bilang “isang tawag mula sa langit” at “ang pagbabalik ng espirituwalidad sa telebisyon.”
Pagtatala ng Buong Quran sa mga Tinig ng Nangungunang mga Tagapagtanghal
Ang kabuuang halaga ng mga premyo para sa Dawlet El Telawa ay umaabot sa 3.5 milyong EGP. Ang dalawang mga nagwagi ng unang puwesto sa mga kategoryang pagbigkas at Tajweed bawat isa ay tatanggap ng 1 milyong EGP, kasama ang karangalang pagtatala ang buong Quran gamit ang kanilang mga tinig para sa tsanel ng Misr Quran Kareem.
Bibigyan din sila ng prestihiyosong pagkakataong manguna sa Taraweeh sa Moske ni Imam Hussein (AS) sa darating na Ramadan.
Samantala, pinuri ng Tagabantay ng Kontra-Ekstremismo ng Al-Azhar ang palatunntunang ‘Kalagayan ng Pagbigkas’ sa isang pahayag, at binigyang-diin na ipinapakita ng palatuntunang ito ang makasaysayang papel ng Ehipto sa paghubog ng mga tinig ng Quran.
Inilarawan ng sentro ang palatuntunan bilang isang makabagong modelo sa paglaban sa ekstremismo sa pamamagitan ng pag-unawa sa mga kahulugan ng Quran at pagpapadalisay ng kaluluwa sa pamamagitan ng mapagkumbabang pagganap. Ang mga pagtatanghal dito ay humahaplos sa mga puso at nagdudulot ng kapayapaan sa kaluluwa. Idinagdag pa nito na ibinabalik ng palatuntunang ito ang tao sa diwa ng mensahe ng Islam na nakabatay sa awa at kapayapaan at inilalayo siya mula sa ekstremismo at pagkapanatiko.
Binigyang-diin ng sentro: “Ibinubunyag ng Kalagayan ng Pagbigkas ang makasaysayang papel ng Ehipto sa paglinang ng mga tinig ng Quran at ipinapakilala ang natatanging paaralang Ehiptiyanong sa pagbigkas; isang bansang nagpausbong ng pinakadakila at pinakaimpluwensiyang mga mambabasa sa mundong Islamiko.”
