Binibigyang-Diin ng Pinuno ng Al-Azhar ang Papel ng Pagsasaulo ng Quran sa Pagdadala ng Mensahe ng Islam sa Mundo

IQNA – Ang pagbibigay-pansin sa pagsasaulo ng Aklat ng Diyos ay pundasyon sa paghubog ng bagong salinlahi ng kabataan na may kakayahang dalhin ang mensahe ng kabutihan, awa, at kapayapaan bilang pinakasentro ng mensahe ng Islam sa buong mundo.

Ito ay ayon kay Sheikh Ahmed Al-Tayeb, ang pinuno ng Sentrong Islamiko ng Al-Azhar ng Ehipto, sa kanyang talumpati sa isang grupo ng dayuhang mga estudyante na nag-parehiztri sa Imam Al-Tayeb Quran Memorization and Recitation School sa Cairo kamakailan.

Sa pagpupulong na ito, pinakinggan ni al-Tayeb ang kahanga-hangang mga pagbigkas ng mga estudyante at pinuri ang kanilang husay sa pagbigkas ng Banal na Quran, na nagpapakita ng malaking pagsisikap ng mga opisyal at mga guro ng paaralan.

Samantala, binigyang-diin ng mga estudyante na naging madali para sa kanila ang pagdadalubhasa sa pagsasaulo ng Quran dahil sa paaralan.

Sa pagtatapos ng pagpupulong, pinayuhan ng Sheikh ng Al-Azhar ang mga estudyante na ipagpatuloy ang kanilang pagsisikap upang magkaroon ng mas malalim na pag-unawa sa mga kahulugan at mga pagpapakahulugan ng Quran at huwag masiyahan sa pagsasaulo lamang ng mga talata ng Maringal na Quran, upang sa hinaharap ay maging mga embahador sila ng Al-Azhar sa kanilang mga bansa.

Binigyang-diin din niya na hindi mag-aatubili ang Al-Azhar na magbigay sa kanila ng anumang suporta.

3495628