Binibigyang-diin ng Pandaigdigang Kumperensiya ang Papel ng mga Iskolar sa Seminaryo ng Najaf
Ang Unibersidad ng Al-Kafeel sa banal na lungsod ng Iraq ang nagdaos ng akademikong kaganapan noong Miyerkules at Huwebes, Pebrero 11-12, 2026.
Idinaos ito sa temang “Ang Pamana ni Sheikh Tusi sa Kaisipang Islamiko at Kanluranin; Mga Kontemporaryong Pamamaraan,” sa suporta ng Astan (pangangalaga) ng banal na dambana ni Hazrat Abbas (AS) at sa pakikilahok ng mga mananaliksik at mga eksperto mula sa loob at labas ng Iraq.
Nakibahagi sa pag-oorganisa ng kumperensiyang ito ang Sentro ng Pag-aaral at Pananaliksik ni Sheikh Tusi na kaanib ng Kataas-taasang Komite ng Astan para sa Pagpapanumbalik ng Pamana, ang Unibersidad ng Al-Kafeel, at ang Institusyon sa Pagsusuri ng Shia ng Toronto, Canada.
“Seminaryo ng Najaf: Isang Libong Taon ng Pagbibigay” ang naging salawikain ng kumperensiya, na ginanap upang gunitain ang ika-isang libong anibersaryo ng pagkakatatag ng seminaryo at bigyang-diin ang malawak na personalidad ni Sheikh Tusi, sino naglatag ng mga pundasyon ng mga agham ng hurisprudensiya, mga prinsipyo, at interpretasyon.
Ayon kay Sheikh Muhammad Hussein Bahsoun Ameli, kasapi ng komite ng paghahanda ng kumperensiya, ang Seminaryo ng Najaf ay may malaking kahalagahan bilang isa sa pinakamatanda, pinakamatatag, at pinakatuloy-tuloy na mga sentrong pang-agham sa mundong Islamiko. Sa paggunita sa ika-isang libong taon ng paglipat ni Sheikh Tusi mula Baghdad patungong Najaf at upang muling buhayin ang pamanang ito, napagpasyahang magsagawa ng isang pandaigdigang kumperensiya.
Dagdag pa niya, isinagawa ng Sentrong Sheikh Tusi ang pagbuhay sa pamanang ito sa pamamagitan ng isang komprehensibong proyektong pang-agham na naglalayong muling buhayin ang pamana ni Sheikh Tusi at pag-aralan ang mga naisulat tungkol sa kanyang mga akda.
Sa pagtatapos ng mga aktibidad ng kumperensiya noong Huwebes, naglabas ang komite ng paghahanda ng mga sumusunod na mga rekomendasyon:
1- Dagdagan ang mga pagsisikap pang-agham, pag-isahin ang mga
kakayahan, at tipunin ang mga puwersang pananaliksik mula sa iba’t ibang mga institusyon at mga sentrong pang-agham upang mapangalagaan ang pamana ng Seminary ng Najaf at ng dakilang mga iskolar at mga personalidad nito.
2- Ipakilala ang Seminaryo ng Najaf at ang mga personalidad nito sa loob ng isang libong mga taon ng tuluy-tuloy na ambag sa agham at kaalaman.
3- Bigyang-diin ang papel ng Seminaryo ng Najaf bilang isang malalim ang ugat na kabisera ng agham na, sa kabila ng maliit nitong lawak ng teritoryo, ay naging tahanan ng libu-libong mga iskolar at dakilang mga tao na nagkaroon ng malalim na impluwensiya sa paghubog ng sibilisasyong Islamiko sa iba’t ibang mga larangan ng agham, pagsasagawa, jihad, politika, at lipunan, katulad ng pinakamalalaking mga sentrong pang-agham sa Islam kagaya ng Unibersidad ng Al-Azhar sa Ehipto, Unibersidad ng Al-Zaytouna sa Tunisia, at Unibersidad ng Al-Qarawiyyin sa Morokko.
