Nag-aalok ang Museo sa Mekka ng Kasaysayan ng Pagpapanatili ng Banal na Quran
Ang Museo ng Banal na Quran sa Distrito ng Pangkultura ng Hira sa Mekka ay nagpapakita ng mga replika ng mga kagamitang ginamit sa pagsulat ng Banal na Quran noong panahon ng Propeta (SKNK).
Nag-aalok ang museo ng isang pang-edukasyong karanasan kung saan maaaring tuklasin ng mga bisita ang pinagmulan ng nakasulat na kapahayagan at ang mga pamamaraang ginamit ng mga kasamahan ng Propeta (SKNK) sa pagtatala ng mga talata ng Quran.
Kabilang sa mga eksibit ang mga pergamino na yari sa balat ng hayop, mga dahon ng palma, mga piraso ng kahoy at bato, at mga buto ng hayop katulad ng mga talim ng balikat at mga tadyang.
Ginamit ang mga materyales na ito bago pa maisaayos at maipon ang Banal na Quran sa iisang aklat.
Kasama ng mga paliwanag at interaktibong mga presentasyon, ipinakikita ng mga eksibit kung paano ginamit ang mga materyales na ito at binibigyang-diin ang mga pagsisikap na mapanatili ang Banal na Quran sa orihinal nitong anyo.
Bilang isa sa pangunahing mga pang-akit ng Distrito ng Pangkultura ng Hira, tinatalakay ng museo ang kasaysayan ng Banal na Quran, ang mga agham na kaugnay nito, at ang iba't ibang mga yugto ng pagsulat at pagtipon nito sa pamamagitan ng makabagong mga bulwagan ng eksibisyon at interaktibong mga teknolohiya.
Nagbibigay ito sa mga bisita ng isang kawili-wili at nakapupukaw na karanasang pang-edukasyon.
