د یوې کلمې څو معناوې د قرآن یوه حیرانوونکي معجزه ده
ایکنانیوز د الیوم السابع له قوله راپور راکوي، د مصر د اسلامي چارو د عالي شورا غړي، شیخ خالد الجندي، وویل چې عربي ژبه یوې کلمې ته اجازت ورکوي چې څو معناوې ولري او ټینګار ئې وکړ چې په عربي ژبه کې کلمې دا وړتیا لري چې بېلابېلې معناوې ولري پرته له دې چې د عمومي معنا یا جوړښت او سیاق و سباق ته تاوان ورسوي؛ دا هغه څه دی چې په بلې کومې ژبې کې د داسې کثرت او بډائتوب سره نه موندل کېږي.
هغه زیاته کړه چې دا معناوي ډولوالی د قرآن کریم د آیتونو په تفسیر کې دقت او پاملرنې ته اړتیا لري، ځکه چې دا مناسب نه ده چې یوه کلمه په داسې معنا تفسیر شي چې د هغې له سیاق او موقعیت سره سمون نه خوري.
هغه وویل چې دا ښکارنده یوازې یوه ژبنۍ معجزه نه ده، بلکې د قرآن په معناوو کې د فکر او تأمل او د آیتونو د بلاغتي ښکلا څخه د خوند اخیستنې بلنه ده. هغه وویل: ولې مونږ له دغه بې مخینې بلاغت څخه خوند نه اخلو؟ ولې مونږ خپلو ماشومانو ته فرصت نه ورکوو چې د قرآن له لارې ژبني درک تجربه کړي؟ دا کار فکري، معنوي او تعلیمي خوند په عربي ژبه کې په خورا ښکلي بڼه وړاندې کوي.
د قرآني کلمو د معناوو پېژندنه
هغه وویل چې د قرآني کلمو معناوو ته نږدې کېدل، لکه د «اتخذ» (اخیستل) فعل، د بلاغتي بډایتوب حیرانوونکې بڼه مونږ ته راښئي. «اتخذ» د معنا او سیاق له مخې له «اخذ» (اخیستلو) سره په بشپړه توګه توپیر لري. په داسې حال کې چې «اخذ» فزیکي جذب او تړاو ښئي، «اتخذ» د یوې کړنې عادت یا دوام ته اشاره کوي. هغه ټینګار وکړ چې قرآن کریم هره کلمه د خورا دقت سره او د هغې د موقعیت او سیاق سره سم کاروي.
هغه زیاته کړه چې د قرآني کلمو علمي او ژبني تفسیر په کتابونو لکه «الکشاف»، «القرطبي»، «الطبري» او «روح المعاني» کې د پټو معناوو کثرت څرګندوي چې یوه نه ختمېدونکې معجزه ایشوا کوي. هغه له هغو کسانو وغوښتل چې د قرآن د تفسیر په اړه بحث کوي یا له هغې احکام استخراجوي، په احتیاط او دقت عمل وکړي او مخکې له دې چې له علم پرته د آیتونو معناوو ته ورشي، خپل ځان وازمایي.
خالد الجندي په خپلو وروستیو خبرو کې ټینګار وکړ چې د قرآن کریم له لارې د عربي ژبې زدهکړه یوازې په صرف او نحو پورې محدوده نه ده، بلکې د اجر او ثواب ترلاسه کولو ترڅنګ، د بلاغتي، ژبني او معنوي کچې لوړول پکې هم شامل دي، ځکه چې د قرآن هر حرف لس حسنې لري او که حسنې زیاتې وي، نو بیا د معناوو زیاتوالی هم مناسب دی.
https://iqna.ir/fa/news/4304862
