د تسنیم خبري آژانس د راپور له مخې، داسلامی انقلاب  سپاه پاسداران د لړم  یا عقرب د میاشتې  د ۱۳ نېټې (د استکبار پر وړاندې د مبارزې ملي ورځې) په مناسبت یوه اعلامیه خپره کړه.

په دغې  اعلامیې کې راغلي دي ،  

د لړم دمیاشتې  دیارلسمه  نیټه ، د نړیوال استکبار پر وړاندې د ایران د شجاع  ملت د تلپاتې مقاومت نښه ده؛ هغه ورځ چې په ۱۳۴۳ لمریز کال کې د امام خمیني (رح) د جلاوطنۍ، په ۱۳۵۷ لمریز کال کې د زده‌کوونکو او محصلینو عام‌وژنه او په ۱۳۵۸ لمریز کال کې د امریکا د جاسوسۍ د ځالې نیولل د دغه هېواد په تاریخ کې ثبت شول، چې ئې ثابته کړې ده ، د ایران مؤمن او انقلابي ملت به هېڅکله د استکبار د جبهې سلطې او دوکې ته تسلیم نه شي. همدا هغه ورځ ده چې د هېواد په تاریخي کال هینداره  کې په سمه توګه د «نړیوال استکبار پر وړاندې د مبارزې ملي ورځې» په نوم نومول شوې ده.

 په دغې اعلامیې کې وئیل شوي دي،له ایران سره د امریکا د ترهه ګر رژیم دښمني  نه کوم  لنډمهاله اختلاف دی او نه هم کوم  سیاسي ناسم پوهاوی؛ بلکې ریښې ئې د ګټو په بنسټیز ټکر کې نغښتې دي. دا یوه دوامداره سټراټیژي ده چې د ۱۳۳۲ لمریز کال د زمري د میاشتې  د ۲۸مې نېټې له کودتا څخه د اسلامي انقلاب تر بریا او په تېرو ۴۷ کلونو کې یې دوام موندلی دی.

ددغې اعلامیې په دوام کې راغلي دي ، په داسې شرایطو کې چې امریکائي ـ صهیونیستي دښمن د ۱۲ ورځني او ۴۰ ورځني تپلي جنګونو او ورپسې نښتو په ترڅ کې سخت او دردناک ګوزارونه خوړلي دي، د ایران د راپاڅېدلي ملت د یووالي او د پیاوړو وسله‌والو ځواکونو د چمتووالي له امله ئې د بیا تېري او برید کولو وړتیا له لاسه ورکړې ده.

په ورته وخت کې دغه دښمن د خپلې بې‌وسۍ او غوسې په اوج کې د موجودیتي جنګ، نفسیاتي  او رسنیز  جتک ګواښونه کوي او د ایران د زر له منځه وړلو د توهم خبرې کوي ، خو حقیقت درسته نړئ ویني  او نوره په چلولونو او دوکو نه غولیږي .

په اعلامیې کې دغه راز  د درستو قوآؤ له  لوي قوماندان  سره  د  سپاه پاسدارانو د لوړپوړو قوماندانانو  په لیدنې کې  لارښونو او کلک هوډ ته په اشارې سره راغلي دي، د  زیاتره مخه نیونکي قدرت  د رامنځته کولو په موخه، له خپل ټول توان سره مقاومت په لومړیتوب کې دی او د هېواد له نورو وسله‌والو او مدافع ځواکونو سره په همغږۍ او ګډې همکارۍ کې به د دغو لارښوونو په عملي کولو کې یوه شېبه هم ځنډ ونه کړي.

https://iqna.ir/fa/news/4386963