Гиромидошти фаъолони маҷозии ҳавзаи ифоф ва ҳиҷоб дар Қирғизистон
Ба гузориши равобити умумии Созмони фарҳанг ва иртибототи исломӣ, ба ҳиммати сандуқи умумии «Оқ бақит» ва идораи динии мусулмонони Қирғизистон ва бо ҳамкории ройзании фарҳангии Ҷумҳурии Исломии Эрон дар Қирғизистон, маросими ихтитомияи мусобиқаи «бонуи мусулмон» дар маҳалли масҷиди Имони Бишкек баргузор шуд.
Дар ин маросим, Қорӣ Самиуддин, муовини муфтии Қирғизистон ва Абузар Тавқонӣ, ройзани фарҳангии кишвари Эрон ба унвони меҳмони вижа ҳузур дошта ва зимни суханронӣ ҷавоизи барандагонро эҳдо карданд.
Ин мусобиқа дар ҳавзаи тавлиди мӯҳтаво дар фазои маҷозӣ бо мавзӯоти «Пӯшиши (ҳиҷоби) зани мусулмон дар зиндагии шумо» ва «Вазоифи зани мусулмон дар хонавода дар дини мо» баргузор шуд ва ширкаткунандагон як видеои 1 то 2 дақиқаиро бо #musulmanayim дар сафҳаи Инстаграми худ мунташир карданд.
Бар ин асос, тайи муддати як моҳ беш аз 200 асар бо ҳаштаги Зани мусулмон ба забони қирқизӣ дар Инстаграм тавлид шуда буд, ки доварон бо баррасии осори ирсол шуда, 10 асарро ҳоизи тақдир шинохта ва бо эҳдои ҷавоизе ба расми ёдбуд ва лавҳи тақдир мавриди таҷлили воқеъ шуданд.
Шоёни зикр аст, ин мусобиқа ба манзури густариши сабки зиндагии исломӣ бо мудирияти хонуми Гулнора Асанова, аз фаъолони фазои маҷозии Қирғизистон бо ҳамкории ройзании фарҳангии кишварамон баргузор шуд.
