Дархости Созмони Милал барои рафъи маҳдудиятҳо алайҳи занони Афғонистон
Ба гузориши манобеи хабарӣ, Эллисон Дэвидиан, намояндаи вижаи Созмони Милал барои занон дар Афғонистон тайи баёнияе ба муносибати ҳаштуми март «рӯзи ҷаҳонии зан» бар ниёзи фаврии ҷомеаи байналмилалӣ барои расидагӣ ба фазои кӯчаки занон ва духтарони афғон дар миёни чолишҳои ҷории ҷанг, фақр ва инзиво таъкид кард.
Вай бо таъкид бар инки мубориза барои ҳуқуқи занони Афғонистон як муборизаи ҷаҳонӣ аст, ҳушдор дод, ки бидуни бардошташудани ин маҳдудиятҳо, хатари фурӯрафтани бештар дар фақр ва инзиво дар Афғонистон вуҷуд дошта ва маҳдудиятҳои Толибон бар занони афғон, тааҳҳудоти байналмилалии ҳуқуқи башари Афғонистонро нақз мекунад.
Ҳамчунин дар ин баёния ба нақл аз Роза Отунбоева, раиси ҳайати муовинати Созмони Милали Муттаҳид дар Афғонистон «UNAMA» бар лузуми дубаробар кардани сармоягузорӣ рӯи занони афғон таъкид шудааст.
Роза Отунбоева изҳор кард: вазъияти кунунӣ дар Афғонистон ба таври фоҷиабор ва амдӣ ба занон ва духтарони афғон осеб мерасонад ва роҳро барои расидан ба сулҳ ва рифоҳи пойдор масдуд мекунад.
Бар асоси гузориши Созмони Милал, имсол беш аз 12 миллион зан дар Афғонистон ба кумакҳои башардӯстона ниёз доранд.
Толибон занон ва духтаронро аз ҳузур дар донишгоҳҳо ва мадорис фаротар аз синфи шашум манъ карда ва маҳдудиятҳои густурдаеро барои иштиғол ва рафтуомади онҳо вазъ карда ва ҳузури умумии ононро ба шиддат маҳдуд кардааст.
Илова бар ин, занони афғон ба таври давраӣ дар фазоҳои боз ва баста алайҳи сиёсатҳои Толибон тазоҳурот кардаанд, ки мунҷар ба дастгирии бархе аз онҳо тавассути ин гурӯҳ шудааст.
Теъдоди қобили таваҷҷуҳе аз Созмонҳо, коршиносон ва фаъолони ҳуқуқи башар бар ин боваранд, ки сиёсатҳои Толибон алайҳи занони афғон муодили апартайди ҷинсиятӣ аст
