Вокуниши ҷаҳони Ислом ба севумин ҳамлаи "Бен Гойер" ба Масҷидулақсо
Кишварҳои мухталифи арабӣ ва исломӣ бо судури баёнияҳои ҷудогона, севумин ҳамлаи "Итмар Бен Гойер", вазири амнияти дохилии режими саҳюнистӣ ба ҳамроҳи шуморе аз шаҳракнишинони ифротӣ ба Масҷидулақсоро ба шиддат маҳкум карданд.
Ба гузориши (ИКНА) ба нақл аз пойгоҳи хабарии "Middle East News", вазорати умури хориҷаи Арабистон, ҳамлаи Итмар Бен Гойер, вазири амнияти дохилии Исроил ва гурӯҳе аз шаҳракнишинон ба саҳнҳои Масҷидулақсоро маҳкум ва таъкид кард, ки ин иқдомоти системотик, нақзи ошкори тамоми ҳанҷорҳо ва мисоқҳои байналмилалӣ ва таҳрики эҳсосоти мусулмонон дар саросари ҷаҳон аст.
Ин вазоратхона, неруҳои Исроилиро масъули комили паёмадҳои идомаи ин рафторҳо донист ва бар дархости худ аз ҷомеаи байналмилалӣ мабнӣ бар ба ӯҳда гирифтани масъулияти худ дар поёндодан ба ишғолгарии Исроил, таъмини ҳифозати лозим аз ғайринизомиён ва анҷоми тамоми талошҳо барои поёндодан ба ин таниш таъкид кард.
Садҳо шаҳракнишини саҳюнистӣ имрӯз ба раҳбарии Бен Гойер, ба муносибати ёдбуди ончи «тахриби маъбад» хонда мешавад, гурӯҳ гурӯҳ аз самти Бобул-Мағраба ба Қудс ҳамла бурданд ва дар саҳнҳои он маросими нажодпарастонаи Талмуд анҷом доданд.
Теъдоде аз аъзои Кнессет ва мақомоти режими Исроил низ ба ин ҳамла пайвастанд. Ин севумин ҳамлаи Бен Гойер ба Масҷидулақсо аз замони рӯи кор омаднаш ба унвони вазири амнияти дохилӣ аст.