Рӯза дар масеҳият
Дар анъанаи масеҳиён, рӯза бештар дар иди Пасха риоя мегардад, ба тавре ки онро аз ин ид ҷудо кардан ғайри мумкин аст. Дар оғоз, рӯза ҳамагӣ 36 рӯз ё 6 рӯзи ҳафта давом мекард.
Мувофиқи таълимоти масеҳият, рӯза дар Китоби Муқаддас (Аҳди Қадим) бо калимаҳои «тсум» (tsum) ё «тсом» (tsom) ва «ина нафсио» (inna nafsyo) зикр шудааст, ки маънояш «фурӯтан сохтани нафс бо рӯза» мебошад. Дар ин замон рӯза бо тавба, мотам ва тақвияти дуо пайванд дошт.
Дар аввал, рӯза дар масеҳият ба таври расмӣ муайян набуд ва бештар як амали шахсӣ ба ҳисоб мерафт, аммо дар асри II рӯза тадриҷан ба як суннати расмӣ табдил ёфт. Дар ибтидо, насрониҳо рӯзаи ҳафтаина мегирифтанд, ба хусус рӯзҳои чоршанбе (ба ёди хиёнат ба Исо Масеҳ) ва ҷумъа (ба ёди маслуб шудани ӯ).
Бо мурури замон, рӯза на танҳо василаи тавба ва тақвият додани дуо, балки як рамзи ҳамдардӣ бо ранҷу азобҳои Масеҳ гардид. Дар асри IV, масеҳиён пеш аз маросими «Ашои муқаддас» рӯза мегирифтанд.
Дар анъанаи масеҳӣ, рӯза бештар бо иди Пасха (Easter) пайванд дорад. Дар ибтидо, рӯза 36 рӯз давом мекард, вале дар асрҳои VII ва VIII рӯҳониёни насронӣ онро то 40 рӯз зиёд карданд. Ин рӯзаро аз чоршанбеи хокистарӣ (Ash Wednesday) оғоз мекарданд ва то шаби иди Пасха (Holy Saturday) идома медоданд. Аз ҳамин сабаб, ин давра Лент (Lent) ном гирифт ва масеҳиён худро ба дуо ва риёзатҳои рӯҳонӣ мебахшиданд.
Дар Аҳди Ҷадид, рӯза бо калимаҳои «нстео» (nesteo) ва «нстия» (nesteia) зикр шудааст, ки маънояш «нахӯрдан» мебошад. Сабабҳои гирифтани рӯза дар масеҳият гуногунанд, аз ҷумла:
· Дар Китоби Якуми Подшоҳон (21:27) рӯза ҳамчун нишонаи тавба ва омодагӣ барои қабул кардани каломи Худо зикр шудааст.
· Дар Китоби Якуми Шомуил (31:13) рӯза аломати мотам мебошад.
· Дар Китоби Дуюми Шомуил (12:16) рӯза василаи дуо ва талаби баракати Худо дониста мешавад.
Ҳамин тавр, рӯза дар масеҳият таърихи тӯлонӣ дошта, бо тавба, ибодат ва эҳтиром ба арзишҳои динӣ пайванд ёфтааст.
