Узрхоҳии вазири хориҷаи Дания ба хотири қуръонсӯзӣ
Ба гузориши ин хабаргузорӣ, Ларс Локе Расмуссен, вазири умури хориҷаи Дания, аз Аҳмад Атоф, ҳамтои Алҷазоирии худ, ба хотири ҳаводиси ахири сӯзондани Қуръон узрхоҳӣ кард ва мутааҳҳид шуд, ки кишвараш аз тариқи вазъи қонуни ҷадиде, ки дар ҳоли омода шудан аст, ба ин иқдомот поён диҳад.
Вазорати умури хориҷаи Алҷазоир эълом кард, ки Атоф аз сӯи ҳамтои данияӣ худ тамоси телефонӣ дарёфт кардааст, ки дар он Локе Расмуссен "таассуф ва узрхоҳӣ" худро ба хотири ҳатки ҳурмати Қуръони Карим дар баробари сафорати чанд кишвари исломӣ, аз ҷумла Алҷазоир, дар Копенгаген узрхоҳӣ кардааст.
Локе Расмуссен ин иқдомотро ғайри қобили қабул тавсиф ва таъкид кард, ки ин иқдомот комилан дар тазод бо суннатҳои тасомуҳ ва мудорое аст, ки дар ҷомеаи Дания ба хубӣ ҷо афтодааст.
Вазири хориҷаи Дания ҳамчунин ба ҳамтои Алҷазоирии худ иттилоъ дод, ки давлати кишвараш дар ҳоли анҷоми охирин иқдомот бар рӯи матни қонун бо ҳадафи поён додан ба ин иқдомоти шанеъ аст.
Узрхоҳии Дания чанд ҳафта пас аз он сурат мегирад, ки Тобиас Билстрем, вазири умури хориҷаи Шветсия, тайи тамосе бо Аҳмад Атоф, таассуфи амиқи кишвараш ва радди қотеъонаи ҳаводиси беҳурматӣ ба Қуръони Каримро иброз ва ин иқдомотро нафратангез тавсиф кард.
Вазорати хориҷаи Алҷазоир ҳам ба намояндагони ду кишвар иттилоъ додааст, ки чунин рафторе ҳеҷ рабте ба озодии баён надорад ва иддаоҳое, ки дар ин замина матраҳ мешавад дурӯғ ва ботил аст. Бинобар ин шоиста нест, ки аз озодии баён ба унвони баҳонае барои ҳимоят аз касоне истифода шавад, ки омилони чунин ҷиноёти зиште ҳастанд.
https://iqna.ir/00HSrZ
