Дархости Эрдуғон аз Шветсия барои ҷилавгирӣ аз қуръонсӯзӣ
Ба гузориши манобеи хабарӣ, Раҷаб Тайиб Эрдуғон, раисҷмҳури Туркия тасреҳ кард: дар сурате, ки Шветсия қуръонсӯзиро мутаваққиф накунад, амре, ки боиси хашми пойгоҳи густурдаи ҳомиёни ӯ хоҳад шуд, мумкин аст тасвиби узвияти Шветсия дар НАТО тавассути парлумони Туркия ба таъвиқ биюфтад.
Раҷаб Тайиб Эрдуғон, афзуд: Шветсия бояд қабл аз ҳар чизи муроқиби хиёбонҳои Стокголм бошад.
Хабаргузории Анатолияи Туркия низ рӯзи якшанбе хабар дода буд, ки раисҷмҳури ин кишвар дар роҳи бозгашт аз Венгрия таъкид карда буд: агар онҳо муроқиби хиёбонҳои худ набошанд, агар ин ҳамалот ба чизҳое, ки мо муқаддас медонем идома ёбад, набояд моро сарзаниш кунанд.
Қобили зикр аст, ки Туркия ва Венгрия танҳо аъзои НАТО ҳастанд, ки ҳанӯз бо пайвастани Шветсия ба НАТО мувофиқат накардаанд.
Эрдуғон дар моҳи июл бо ҳимоят аз дархости Шветсия мувофиқат кард, аммо барои тасвиби он ба қонун ниёз ба тасвиби парлумони Туркия аст.
