Оғози номнависӣ дар марҳалаи ибтидоии Ҷоизаи Байналмилалии Қуръон Алҷазоир
Ба гузориши «ИҚНО», ба нақл аз пойгоҳи иттилоотии «eldjanoubelkabir.dz», Вазорати авқоф ва Амороти Динии Алҷазоир аз оғози номнависӣ барои ширкат дар марҳалаи ибтидоии бисту якумин давраи Мусобиқаи Байналмилалии Ҳифз ва Таҷви, Қуръон Ҷоизаи Алҷазоир барои соли 1447 ҳиҷрии қамарӣ / 2026 мелодӣ хабар дод.
Ин вазорат дар баёнияе гуфт: «Номнависӣ дар ин мусобиқа танҳо тариқи платформаи электронӣ, ки барои мусобиқаҳои Қуръон пешбинӣ шудааст, бо суроғаи «moussabaka.marw.dz» ва дар мӯҳлати 20 то 31 октябри соли ҷорӣ (28-ми меҳр то 8-ми обон) анҷом мегирад.»
Бар асоси ин баёния, хоҳишмандон метавонанд, ба ғайр аз номнависӣ барои ширкат дар марҳалаи ибтидоии Мусобиқаи Байналмилалии Қуръон Ҷоизаи Алҷазоир, инчунин барои марҳалаи ибтидоии Мусобиқаи Миллии Ҳифз, Таҷвид ва Тафсири Қуръон ва мусобиқаи ташвиқии вижа барои ҳофизони хурдсол низ номнависӣ кунанд.
Синни довталабон барои Мусобиқаи Байналмилалии Қуръон Ҷоизаи Алҷазоир 15 то 25 сол таъйин шудааст, дар ҳоле ки синни довталаб барои Мусобиқаи Миллӣ бояд камтар аз 25 сол набошад, ва синни довталаб барои Мусобиқаи Ташвиқии хурдсолон дар рӯзи мусобиқа бояд аз 15 сол зиёд нашавад.
Вазорати авқофи Алҷазоир таъкид кард, ки агар довталабе қаблан дар се ҷойи аввал Мусобиқаи Миллӣ ё Мусобиқаи Байналмилалии Қуръон Ҷоизаи Алҷазоир ҷои аввалро касб кардааст, вай наметавонад дар мусобиқаи имсола иштирок кунад. Ҳамчунин, довталабоне, ки ҳамчун қориёни милливу байналмилалӣ маъруф шудаанд, қабул намешаванд.
Ин вазорат дар охир таъкид намуд: «Ҳадафи барпо кардани ин мусобиқаҳои Қуръонӣ, ташвиқ кардани ҳофизони китоби Худо ва намоиш додани истеъдодҳои Қуръонии вилоятиҳои мухталифи Алҷазоир аст, то ки барои ширкат дар мусобиқаҳои Миллӣ ва Байналмилалии Қуръон омодагӣ бинанд.»
4312495
