Пажӯҳишгари амрикоӣ: сураи Наҳл намунаи шигифтангез аз эъҷози Қуръон аст
Як муҳаққиқи амрикоӣ дар илми занбури асал бо ибрози шигифтӣ аз тавсифи Қуръон дар хусуси нақши занбурҳо дар канду ва беруни он, диққати ҷузъиёти мавҷуд дар сураи Наҳлро таъйид ва таҳсин кард.
Маккей Ортон, ки 10 сол аст дар ҳавзаи занбурдорӣ дар Калифорния кор мекунад, дар як клипи видеоӣ дар ҳисоби Инстаграми худ зоҳир шуд, дар ҳоле, ки як нусхаи тарҷума шуда аз Қуръони Каримро бо худ дошт ва шурӯъ ба хондани сураи Наҳл кард.
Маккей Ортон дар ин видео гуфт: шунидам, ки сурае дар Қуръон дар бораи занбурҳо вуҷуд дорад. Бинобар ин дӯст доштам онро баррасӣ кунам ва ин, чизе аст, ки ман пайдо кардам.
Сураи шумораи 16 Қуръони Карим, Наҳл ном дорад. Қуръон онқадар ба занбури асал эҳтиром мегузорд, ки куштани занбурро гуноҳ медонад.
Ӯ афзуд: се чизи аслӣ вуҷуд дорад, ки маро ба шигифтӣ водоштааст, нахуст чизе, ки дар Қуръони Карим дар бораи асал гуфта мешавад, ки Худованд мефармояд: يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ ۗ إِنَّ فِي ذَٰلِكَ لَآيَةً لِقَوْمٍ يَتَفَكَّرُونَ (Онгоҳ аз даруни он, шарбати ширини ба рангҳои мухталиф берун ояд, ки дар он шифои мардумон аст. Дар ин кор низ ояте аз қудрати Худо барои мутафаккирон пайдост).
Вай афзуд: рангҳои асал мутафовит аст, шумо дӯстон медонед, ки ман инро дӯст дорам. Асал як ғизои ҷодуӣ ва дар воқеъ як ҷодугар аст.
Ин пажӯҳишгари амрикоӣ гуфт: дувумин мавзӯъ ин аст, ки зиндагии занбури асалро улгу қарор диҳед. Гӯё Худованд мехоҳад ин паёмро бидиҳад, ки кӯшо ва фидокор бошед, дар ҳоле, ки канду хонаи шумо ва колония, хонаводаи шумо аст ва ин идаро медиҳад, ки ҳеҷ шуғле, хеле кӯчак нест ва инки ба ҳамаи шуғлҳо ниёз аст. Ба назари ман ин бисёр зебо аст.
Маккей Ортон афзуд: севумин ва охирин мавриде, ки ба назари ман воқеан шигифтангез буд ин аст, ки Қуръон дар асл ба забони арабӣ навишта шуда ва дар забони арабӣ афъол муаннас ва музаккар ба кор бурда мешавад ва афъоле, ки Қуръон барои тавсифи занбури асал дар сохтан, ғизо хӯрдан, ҷустуҷӯи ғизо ва кор кардан ба кор гирифта ҳамагӣ муаннас буданд.
Ӯ тавзеҳ дод: вақте Қуръон навишта шуд, ҳеҷ донише дар мавриди занбурҳо вуҷуд надошт. Чӣ занбурҳои нар ва чӣ занбурҳои коргар, бинобар ин аввал занбур мода будааст. Бисёре аз мардум мегӯяанд, ки ин як нишона ва як роҳи соддааст, ки аз тариқи он метавонем бидонем, ки чӣ мазҳабӣ бошед ва чӣ секулор, Қуръони Карим китоби илҳомбахш аст, ки тавассути Худо навишта шудааст ва ёдгирӣ дар мавриди занбурҳо ҳамеша саргарм кунандааст.
