Вокуниши Ҳамос ба дархости саҳюнистҳо барои тахлияи шимоли Ғазза / Ҳалокати 13 асири исроилӣ
Марказ иттилоъ расонии Фаластин, Иззат ар-Рашқ, узви дафтари сиёсии ин ҷунбиш тасреҳ кард, ки душмани саҳюнистӣ гумон мекунад бо роҳандохтани ҷанги равонӣ метавонад бар миллати қаҳрамони Фаластин таъсири манфӣ бигузорад.
Вай изҳор кард, ки дархостҳои саҳюнистӣ аз фаластинёни сокини Навори Ғазза мабнӣ бар тарки хонаҳояшон нишонгари варшикастагии ин режим ва нокомии он дар таҳаққуқ бахшидан ба дастоварде дар баробари пойдории салаҳшӯронаи миллати Фаластин ва муқовимати диловармардонаи он аст.
Иззат ар-Рашқ, ёдовар шуд, ки саҳнаҳои муҳоҷират ва дар ба дарии фаластиниён дар соли 1948 ҳаргиз такрор нахоҳад шуд ва миллати Фаластин реша дар сарзамини Фаластин дорад ва душмани саҳюнистӣ ба рағми ҳаргуна ҷиноят ва таҷовуз ё эъмоли сиёсати сарзамини сӯхта наметавонд ин миллатро аз сарзамини падариаш берун биронад.
Созмони Милал эълом кард, ки артиши режими саҳюнистӣ хостори хурӯҷи фаластиниён аз шимоли Ғазза тайи 24 соати оянда шудааст; Мақомоти фаластинӣ ин ҳушдорро «ҷанги равонии» ишғолгарон алайҳи мардуми Фаластин тавсиф кардаанд.
Ҳалокати 13 асири исроилӣ дар Ғазза
Гуруҳҳои шаҳид "Изуддин Қисом" эълом кард, ки бар асари бомбаборони густурдаи ду устони шимол ва Ғазза дар 24 соати гузашта, 13 асири исроилӣ аз ҷумла чанд шаҳрванди хориҷӣ ба ҳалокат расиданд.
