Ҷанги Ғазза ва таваҷҷуҳи густурда ба Қуръон дар шабакаҳои иҷтимоӣ Амрико+филм
Ба гузориш манобеи хабарӣ, ба нақл аз Алҷазира, ҳамлаи режими ҷинояткори саҳюнистӣ ба Навори Ғазза ва интишори тасовири ҷиноятҳои ин режим алайҳи мардуми Ғазза дар шабакаҳои иҷтимоӣ паёмади нодире доштааст. Дар пайи ин ҳаводис мавҷе аз таваҷҷуҳ ба оёти Қуръон ба унвони омили имон устувории мардуми Ғазза дар таҳаммули ин масоиби ҷонгудоз дар шабакаҳои иҷтимоӣ Амрико ба роҳ афтодааст.
Меган Расӣ аз фаъолони шабакаи иҷтимоӣ Тиктак, ки як зан ҷавони амрикоӣ африқоитабор аст, пеш аз ин ҷанг, дар шабакаи Тиктак ба интишори видёҳое дар бораи зиндагии рӯзмарра ба вижа ошпазӣ, тағзияи солим, харид, мусиқӣ ва мавзӯъоти таърихӣ мепардохт. Ҳисоб ӯ дар Тиктак, 534 ҳазор муштарак дошт, аммо дар пайи интишори тасовири кушторҳои артиши режими ҷинояткори саҳюнистӣ дар Навори Ғазза, ҳисоби корбарии ӯ низ ба куллӣ дигаргун шуд.
Меган рӯзи 17 октябр бо интишори видёе дар ҳисоби корбарии худ, дар ҳоле, ки гирён буд, аз фоҷиаи густурда дар Навори Ғазза сухан гуфт.
Ӯ гуфт, ки мо наметавонем он филмҳо ва тасовиреро, ки аз Ғазза меоянд, фаромӯш кунем. Тасовири онҳо барои ҳамеша моро озор хоҳад дод. Вай дар идома гуфт: ҳеҷчиз сахттар аз эҳсоси дармондагӣ ва нотавонӣ дар ироаи кӯмак нест.
Меган ба суръат клипи дигареро мунташир кард, ки дар он моҷарои Фаластиниҳоро ба ончи бар ҳазрати Айюб (с) гузашт ташбеҳ кард, ки ҳатто дар айёми шадидтарин масоиб вақте, ки пайкари фарзандони кушташудаи худро рӯйи дастон доранд, аз шукри Худованд бознамемонанд.
Қудрати имон ва устувории мардуми Ғазза дар ин шароити ҷаҳаннамӣ, оғози таваҷҷуҳи Меган ба Қуръони Карим буд, чаро, ки вай клипи дигареро мунташир ва дар он таъйид кард, ки аз қудрати имони Фаластиниҳо бисёр шигифтзада шудааст, чаро, ки аз ҳамди Худо бо вуҷуди аз даст додани ҳама чизи худ, бознамемонанд ва ин имон мадюни Ислом ва Қуръон аст; Ва сипас дар клипҳои дигаре, ки интишор дод, аз тамоюли худ барои ошноӣ бо оёти Қуръон гуфт то рози ин қудрати мардуми Ғазза дар таҳаммули масоибро ба хубӣ бидонад.
Меган мегӯяд, ки бо хондани сураҳои Қуръон аз чизҳои бисёр ҷолиб шигифт зада шуда.
Роҳандозии ибтикории қироати Қуръон
Таҷрибаи шахсие, ки Меган аз саргузаронд, ӯро ба фикри густариши он бо роҳандозии ибтикоре аз тариқи «Тиктак» барои хондани Қуръон ва табодули назарот ва таҷрибиёт дар мавриди ин китоби осмонӣ андохт.
Вай ба ҳамин манзур гурӯҳеро барои китобхонӣ дар заминаи адёни таъсис ва таъкид кард, ки нахустин иқдом хондани Қуръон ва талош барои дарки он ва сипас кутуби муқаддаси соири адён хоҳад буд ва ҳадаф аз ин амр эҷоди фазое ба манзури талош барои дарки дигарон ба дур аз таассуб аст.
Яҳудии мусулмон шуда
Дар миёни барҷастатарин аъзои ин гурӯҳ як яҳудии амрикоӣ аст, ки номи корбарии ӯ «Ҷек Ҷек Вайлдес»-ро дорад. Ӯ эълом кард, ки як нусха аз Қуръони Каримро харидорӣ кардааст ва аз ибтикори Меган ташаккур мекунад ва ба зудӣ шурӯъ ба интишори клипҳои видёӣ дар бораи таҷрибаи худ аз тиловати оёт ва сураҳои Қуръони Карим хоҳад кард.
