Соли 2023; маргбортарин сол дар ҷанги Фаластин ва режими саҳюнистӣ
Ҳамоҳангкунандаи вижаи Созмони Милали Муттаҳид барои раванди сулҳи Ховари Миёна эълон кард: «дар ҳоле, ки ҷанг байни Исроил ва Ҳамос дар Ғаззаи Фаластин идома дорад, соли 2023 дар ҳоле ба поён мерасад, ки ба унвони яке аз маргбортарин солҳо дар таърихи ин даргирӣ аст ва вазъият тақрибан дар ҳамаи заминаҳо рӯ ба бадтар шудан аст.»
Тур Винсланд, ҳамоҳангкунандаи вижаи Созмони Милали Муттаҳид барои раванди сулҳи Ховари Миёна дар нишасти Шӯрои амнияти Созмони Милал дар бораи вазъияти Фаластин гуфт: дар тӯли давраи ин гузориш, хусуматҳо дар дохили Ғазза идома ёфтааст ва неруҳои исроилӣ ба самти Хон Юнус дар бахши ҷанубии Навори Ғазза пешравӣ кардаанд ва амалиёту ҳамалоти худро дар пойгоҳҳои гузоришшудаи Ҳамос дар шимол, дар урдугоҳ оворагони Ҷабалиё ва маҳаллаи Шуҷоия ва ҳамчунин дар бемористони Камол Удвон ташдид кардаанд. Ҳамалоти ҳавоии шадиди Исроил дар саросари Навори Ғазза идома дорад.
Вай афзуд: беш аз ҳазор кушта, ки аксарияти онҳо фаластинӣ буданд ба омори талафоти ин ҷанг изофа шудааст. Талафоти ғайринизомиён, аз ҷумла занон ва кӯдакон, ғайриқобили таҳаммул аст.
Ин мақом Созмони Милал тасреҳ кард: ирсоли кумакҳои башардӯстона ба Навори Ғазза ҳамчунон бо чолишҳои тақрибан ғайриқобили ҳалле мувоҷеҳ аст. Дар миёни оворагӣ дар миқёси ғайриқобили тасаввур ва хусуматҳои фаъол, системаи вокуниши башардӯстона дар остонаи шикаст аст. Иқдомоти маҳдуди Исроил, аз ҷумла иҷозати вуруди сӯхт, ғизо ва газ ва боз кардани гузаргоҳи Карам Шолум барои вуруди таҷҳизоти башардӯстона ба Ғазза мусбат аст, аммо бисёр камтар аз ниёзҳо ҷиҳати расидагӣ ба фоҷеаи инсонӣ дар Ғазза аст.
Винсланд идома дод: бахши шимолии Навори Ғазза ба далели ноамнӣ ва ҳамчунин маҳдудиятҳои дастрасии эъмолшуда тавассути Исроил, умдатан барои фаъолони башардӯстона ғайриқобили дастрас аст.
Вай гуфт: даргириҳои рӯзона дар саросари хатти обӣ дар марзи Лубнон ва Исроил бо хатари иштибоҳи муҳосиботӣ ва ташдиди таниш, ки таҳдиди ҷиддӣ барои суботи минтақа аст, идома ёфтааст. Зарурӣ аст, ки Лубнон ба як оташи минтақаӣ кашида нашуд ва тарафайн ба таваққуфи даргириҳо дар чорчуби қатъномаи 1701 (2006) бозгарданд.
Ин мақоми Созмони Милал ҳамчунин гуфт: «ин дар ҳоле аст, ки дар Дарёи Сурх, ҳавсиҳои Яман Яман (Ансоруллоҳ) киштиҳои мутааддидеро бо истифодаи неруҳо, паҳподҳо ва мушак ҳадаф қарор додаанд. Ҳамалот ба теъдоде аз киштиҳо осеб расондааст ва дигар киштиҳо тавассути Амрико ва соир нируҳои дарёӣ дар минтақа тавқиф шудаанд ва ин иқдомот нигарониҳоеро дар мавриди эминии киштиҳо аз тариқи ин масири тиҷорӣ ва ҳаётӣ афзоиш додааст.»
Вай тасреҳ кард: бар асоси гузоришҳо, чаҳор ширкати бузурги киштиронӣ ба киштиҳои худ дастур додаанд, ки аз Дарёи Сурх убур накунанд. Дар ҳоле, ки Бандари Илоти Исроил аз замони шуруи ҳамалот коҳиши 80 дарсадии даромадро гузориш кардааст.
Винсланд бо маҳкумияти ончи ҳамлаи мусаллаҳонаи террористии Ҳамос, куштори амдӣ, маълул кардан ва рубудани ғайринизомиён ва соири афроди муҳофизатшударо маҳкум кард ва афзуд: шиллики идомадори ракет ба самти Исроил, ки то имрӯз идома доштааст, нақзи қавонини байналмилалии башардӯстона аст ва бояд ба таври комил мутаваққиф шавад. Ман ба сароҳат куштори ғайринизомиён дар Ғазза аз ҷумла занон ва кӯдаконро маҳкум мекунам. Ман барои аз даст додан ҳар ғайринизомӣ аз ҷумла 136 корманди Созмони Милали Муттаҳид, ки бузургтарин талафоти ҷонӣ дар таърихи ин созмон аст, нороҳат ҳастам.»
Ин мақоми Созмони Милал идома дод: «ман аз ҳамалоти маргборе, ки тавассути шаҳракнишинони исроилӣ алайҳи мардуми Фаластин дар Карона Бохтарии ишғолшуда ва Исроил анҷом мешавад, нигарон ҳастам. Ман аз мавориди пуршумори мақомоте, ки хушунатро тамҷид ва куштори ғайринизомиёнро ташвеқ мекунанд, ваҳшатзада шудаам. Чунин сафсафтаҳо, нафратангез аст ва бояд ба равшанӣ тавассути раҳбарони ҳамаи тарафҳо рад шавад.»
Ҳамоҳангкунандаи вижаи Созмони Милал дар умури сулҳи Ховари Миёна гуфт: «ман амиқан аз густариши беамони шаҳракҳои исроилӣ дар Каронаи Бохтарии ишғолӣ, аз ҷумла Байтулмуқаддаси шарқӣ, ки монеи дастрасии мардуми Фаластин ба сарзамин ва манобеи онҳо мешавад, нороҳат ҳастам ва такрор мекунам, ки шаҳраксозиҳои Исроил нақзи ошкори қатъномаҳои Созмони Милал ва қавонини байналмилалӣ аст ва аз давлати Исроил мехоҳам, ки фавран шаҳраксозиро мутаваққиф кунад.»
Ин мақоми аршади Созмони Милал тасреҳ кард: «Созмони Милали Муттаҳид ҳамчунон мутааҳҳид ба ҳимоят аз мардуми Фаластин ва исроилиҳо дар поён додан ба ишғолгарӣ ва ҳалли муноқишаи мутобиқ бо қавонини байналмилалӣ, қатъномаҳои марбутаи Созмони Милали Муттаҳид ва тавофуқоти дуҷониба дар пайгирии ҳадафи дукишварӣ аз ҷумла Исроил ва як кишвари Фаластини мустақил, демократик, бодавомм ва мустақил, ки Ғазза ҷузъи ҷудонашавандаи он аст, мебошад.»
https://tajikpress.com/2023/12/26/
