Ərəbistan Quran hafizlərini mükafatlandırdı
İQNA-nın (Beynəlxalq Quran Xəbər Agentliyi) verdiyi xəbərə görə, cari həftənin üçüncü günü, 5 Sentyabr 2018-ci il, Səudiyyə Ərəbistanının Cəddə şəhərində Qurani-Kərimi əzbər bilən 1000 nəfər kişi və xanım mükafatlandırıldı.
“Səda” qəzetinin verdiyi məlumata görə, Səudiyyə Ərəbistanın “Xeyrukum”* Quran hafizləri birliyi hər il keçirdiyi “İkram” mərasiminin 39-cu ilində min nəfər Qurani-Kərim hafizini mükafatlandırıb.
Bu mərasim Ərəbistanın qərbində yerləşən Cəddə şəhərinin Hilton hotelində keçirilib. Mərasimdə şəhərin meri Məşəl ibn Macid ibn Əbdüləziz də iştirak edib.
“İkram” mərasimində Qurani-Kərim hafizləri arasından seçilmiş 13 nəfər xüsusi fərqlənmə ilə mükafatlandırılıb.
* “Xeyrukum” Quran hafizləri birliyinin adı Peyğəmbərin (s) “xəyrukum mən təəlləməl Quranə və əlləməhu” (sizin ən xeyirliniz Quranı öyrənən və öyrədənlərdir) hədisindən götürülmüşdür.
