İQNA-nın (Beynəlxalq Quran Xəbər Agentliyi) verdiyi xəbərə görə, İngiltərənin Mançestr şəhəri yaxınlığında yerləşən Bolton şəhərinin məscidi təmir ediləcək və məscidə əlavə hissələr artırılacaq.
Bolton şəhərinin "Məkkə məscidi" adlanan bu ibadət ocağı 19-cu əsrdə Viktoriya zamanında tikilib.
Bu şəhərdə yaşayan müsəlmanlar müsəlman cəmiyyətin din, təhsil və sosial sahədəki ehtiyaclarını nəzərə alaraq məscidi təmir etdirmək istəyirlər.
Məscid idarə heyətinin məsullarının məscidin yeni layihəsi barədə verdikləri məlumata əsasən, yeni tikilidə dini təhsil və toplantı üçün də imkanlar nəzərdə tutulub.
İlkin layihəsi 2017-ci ildə verilmiş məscidin yeni binasının tikilməsini və təmirini "David Cox Architects" memarlıq şirkəti öhdəsinə götürüb.
Yeni məscid üç mərtəbə olacaq. Minarələrin hündürlüyü 30 metr olacaq. Məsciddə namazxana, konfrans salonu, meyyitlərin yuyulması və kəfən edilməsi xidmətləri otağı və digər imkanlar yaradılacaq.