İfrat sağçı qruplar Almaniyadakı terror fəaliyyətlərindən faydalanır
"İQNA", "Mesbar" saytına istinadən xəbər verir ki, avqustun 23-də Almaniyanın Solingen şəhər mərkəzində keçirilən festival zamanı bir nəfərin yoldan keçənləri bıçaqlaması nəticəsində 3 nəfər həyatını itirib.
Polisə təslim olan şübhəlinin üzərində aparılan araşdırmalar nəticəsində onun 26 yaşında Suriya vətəndaşı olduğu və 2022-ci ildə Almaniyaya gələrək sığınacaq üçün müraciət etdiyi məlum olub.
Hadisədən sonra İŞİD terror qruplaşması Almaniya ictimai və siyasi səviyyəsində geniş mənfi reaksiyalara səbəb olan bəyanatla hücuma görə məsuliyyəti üzərinə götürüb.
İŞİD bu hücumun məsuliyyətini öz üzərinə götürdü və ifrat sağçı partiyalar və anti-immiqrant qruplar bu hadisədən istifadə edərək Almaniya hökumətini immiqrasiya və sığınacaq məsələlərində səhlənkarlıqda ittiham etdilər.
Bu hadisələr və onların eskalasiyası səbəbindən son hesabatlar göstərir ki, Almaniya kütləvi şəkildə yanıltıcı və dezinformasiya axınının şahidi olub, sosial və siyasi gərginliyin dərinləşməsinə səbəb olub.
Bu gərginliyin artması və İngiltərə və İspaniya kimi ölkələrdə dezinformasiyaların yayılması islamafobiya meyllərinin artmasına səbəb olub. Halbuki müsəlmanların bu hadisələrlə heç bir əlaqəsi yox idi.
Həmçinin ifrat sağçı qruplar bu zorakılıq hadisələrindən müsəlmanların məsuliyyət daşıdığına dair təbliğat aparırdılar.
4234903
