Sionist rejim hesablama xətası ilə üzləşdi; İran millətinin qüdrətini bunlara anlatmaq lazımdır
"İQNA", İslam İnqilabının Böyük Rəhbəri Ayətullah Xameneinin Əsərlərinin Qorunması və Nəşriyyatı İdarəsinin məlumat bazasına istinadən verdiyi məlumata görə, bazar günü, oktyabrın 27-də minlərlə hörmətli təhlükəsizlik şəhidlərinin ailələri ilə görüşdə bu şəhidləri haqq yolunun ən üstün şəhidləri adlandıraraq, cəmiyyətin bütün işlərində və insanların həyatının müxtəlif ölçülərində təhlükəsizliyin əsas əhəmiyyətinə işarə edərək vurğulayıb: "Yalnız güclü İran ölkə və millətin təhlükəsizliyini və tərəqqisini təmin edə bilər. Ona görə də İran bütün iqtisadi-elmi-siyasi-müdafiə və idarəçilik baxımından günü-gündən güclənməlidir".
Həzrət Ayətullah Xamenei həmçinin Qəzza və Livanda ən qəddar hərbi cinayətləri törətməkdə şər sionist rejimin davamlı fəaliyyətinə işarə edərək, bu şər rejimə qarşı “qlobal koalisiya”nın yaradılmasını istəyib. Həmçinin sionist rejimin iki gecə əvvəlki şər hərəkətinə işarə edərək deyib: "Onlar etdikləri bu səhvi konkret məqsədlərlə böyüdürlər, lakin onu kiçik hesab etmək və bunun heç bir şey olmadığını və əhəmiyyətli olmadığını söyləmək də yanlışdır".
İnqilabın rəhbəri sionist rejimin İranla bağlı yanlış hesablamalarının aradan qaldırılmasının zəruriliyini vurğulayaraq dedi: "Onlar İranı, gəncləri və İran millətini tanımadıqları üçün İran haqqında səhv hesablamalara malikdirlər və hələ də İran xalqının qüdrətini, bacarığını, təşəbbüsünü və ruhunu düzgün dərk edə bilməyiblər ki, biz bunu onlara başa salmalıyıq".
Həzrət Ayətullah Xamenei vurğuladı: "Əlbəttə, bizim məmurlarımız işin keyfiyyətini düzgün tanımalı və bu ölkə və millətin mənafeyinə uyğun olan işləri görməlidirlər ki, İran millətinin kim olduğunu və gənclərinin necə olduğunu başa düşsünlər".
İslam İnqilabının Rəhbəri dedi: "İran xalqında mövcud olan bu düşüncə, motivasiya, hazırlıq və şücaət qorunmalıdır, çünki bu ünsürlərin özləri təhlükəsizlik qurucularıdır".
O, təhlükəsizlik şəhidlərinin ailələri ilə görüşündə təhlükəsizlik şəhidlərinin və onların ailələrinin millətə olan haqqını həqiqətən vəsf olunmaz hesab edib və əlavə edib: "Təhlükəsizlik ölkə və millətin bütün vasitələri və tərəqqi yollarının əsasıdır. "Polis, Bəsic, SEPAH, ordu və kəşfiyyat sistemlərində" bu sahənin mühafizəçilərinin və şərəfli şəhidlərinin dəyəri təhlükəsizliyin əhəmiyyətindən və əvəzolunmaz dəyərindən başa düşülməlidir".
İnqilab rəhbəri Qurani-Kərimə istinad edərək təhlükəsizliyi böyük ilahi nemət hesab edərək ölkənin və cəmiyyətin təhlükəsizliyinin müdafiəçilərinin çox geniş fəaliyyət sahəsinə toxunaraq ded: "Təhlükəsizliyin və onun dəyərli mühafizəçilərinin olmadığı yerdə şər işlər yaranır".
Həzrət Ayətullah Xamenei sərhədlərdə, şəhərlərdə pisliyi, quldurluq, oğurluq, silah qaçaqmalçılığı, narkotik ticarəti və şayiələrin yayılmasını təhlükəsizliksizlik yaratmaq cəhdlərinə misal adlandırıb və əlavə edib: "Kim hər cür pisliyə qarşı durarsa, “Təhlükəsizlik Keşikçisi” fəxri adını qazanar".
İnqilabın Rəhbəri təhlükəsizliyin təmin edilməsi və qorunmasının əsas və vacib elementini izah edərkən belə deyib: "Bəzi insanlar qəribə təhlil və təxəyyüllə düşünürlər ki, dünyanın hegemon ölkələrini həssaslaşdıran alətlər, o cümlədən raketlər istehsal etməkdən çəkinmək İrana təhlükəsizlik gətirə bilər. Amma bu yanlış fikir əslində millətə və hakimiyyətə deyir ki, təhlükəsiz olmaq üçün ölkəni zəif saxlayın".
Həzrət Ayətullah Xamenei milli iqtidarı İranda əmin-amanlığın yeganə yolu adlandırıb və əlavə edib: "Ölkə və cəmiyyətin təhlükəsizliyini təmin etmək və İranı tərəqqi etdirmək üçün bütün iqtisadi, elmi, müdafiə, siyasi, idarəçilik və digər sahələrdə güclü olmalı və hər gün daha da güclənməliyik".
O, birinci və ikinci dünya müharibələrində ölkənin bitərəfliyinin elan edilməsinə baxmayaraq, İranın işğal edilməsi faciəsinə səriştəsiz və ya satqın hökmdarların pis siyasətlərinin səbəb olduğunu hesab edərək əlavə edib: "Həqiqi qüdrət alətlərindən üz döndərməklə, milləti və ölkəni aşağıladılar, öz təhlükəsizliklərini təmin etmək üçün mübarizə apardılar".
İnqilab rəhbəri təhlükəsizliklə bağlı mühüm bir məqamı açıqlayarkən insanların psixoloji təhlükəsizliyinin zəruriliyinə toxunaraq dedi: Virtual məkan da daxil olmaqla, bəzi məzmun, şayiələr və ya təhlillər və yanlış şərhlərlə insanları təşviş, qorxu və şübhəyə düşmələrinə səbəb olanlara Quranda “murcifun” deyilir. Allah Peyğəmbərə (s) bu əməldən əl çəkməsələr, onları cəzalandırmağı əmr etmişdir.
Həzrət Ayətullah Xamenei belə insanları yanlış təhlilçi və ya qərəzli adlandıraraq kiberməkanla bağlı olanlara xitab edərək vurğuladı: "İnsanın ağlına gələn hər şey virtual məkanda yayımlanmamalı, onun insanların əhval-ruhiyyəsinə, hisslərinə, düşüncələrinə təsiri nəzərə alınmalıdır".
O, son həftələr və günlərdə kiberməkan mövzusunun tez-tez təkrarlanmasına toxunaraq dedi: "Kiberməkanla bağlı qərar qəbul etmək istəyənlər yalan xəbər və ya məqalənin insanlarda necə qorxu və şübhə yaratmasına diqqət yetirməlidirlər".
Həzrət Ayətullah Xamenei əlavə edib: "Ölkə rəsmiləri "sərhədlərin, xiyabanların, küçələrin və insanların həyatı"nın təhlükəsizliyi ilə bağlı mühüm vəzifələrə malik olduqları üçün xalqın psixoloji təhlükəsizliyinin qorunmasına da tam cavabdehdirlər".
İnqilab rəhbəri ölkələrin və xalqların bədxahlarının yumşaq döyüş alətlərindən istifadə etməsinə toxunaraq dedi: "Cəmiyyətin psixoloji ab-havasını təhlükəli vəziyyətə salmaq bu yumşaq müharibənin tərkib hissələrindən biridir və hamı gördü ki, onlar məqsədlərinə çatmaq üçün virtual məkandan necə istifadə edirlər".
O, çıxışının bu hissəsinin sonunda təhlükəsizlik şəhidlərinin ailələrinə dedi: "Başınızı uca tutun və şəhidlərinizlə fəxr edin, çünki onlar və digər mühafizəçilər olmasaydı, ölkə və millət üçün çoxlu problemlər yaranardı, odur ki, bütün insanlar da bu şəhidlərin və onların ailəsinin qədrini bilsinlər".
Ayətullah Xamenei çıxışının başqa bir hissəsində sionist rejimin Qəzzada törətdiyi dəhşətli cinayətlərə, o cümlədən ən qəddar müharibə cinayətlərinin nümunəsi olan on min uşaq və on mindən çox qadının şəhadətinə işarə edib. Hökumətlərin və Birləşmiş Millətlər Təşkilatı kimi beynəlxalq təşkilatların Qəzza və Livanda bu rejimin hərəkətləri ilə məşğul olmamasını sərt tənqid edərək deyib: "Müharibənin qaydaları, qanunları və sərhədləri var. Belə deyil ki, bütün müharibələrdə sərhədlərin hamısı tapdalansın. Amma işğal olunmuş ərazilərə hakim olan cinayətkar dəstə bütün sərhədləri, qaydaları ayaqları altında əzib".
Ayətullah Xamenei hökumətlərin, xüsusilə də İslam hökumətlərinin cinayətkar rejimə qarşı durmasını və bu cəllad rejimə qarşı qlobal koalisiya yaratmasını zəruri hesab edərək əlavə edib: "Onların qarşısında durmaq yalnız iqtisadi yardımı kəsmək demək deyil, çünki qəsbkar rejimə kömək etməyin ən çirkin və ən böyük günahlardan biri olduğu açıq-aşkar məlumdur. Daha doğrusu, onların qarşısında durmaq ən qəddar müharibə cinayətlərini törədən şər rejimə qarşı qlobal siyasi, iqtisadi və lazım gələrsə, hərbi koalisiya yaratmaq deməkdir".
4244585
