Əlcəzairdəki tarixi “Ətiq” məscidi bərpadan sonra yenidən ibadətə açıldı
“Horizons.dz” saytının verdiyi xəbərə görə, yerli rəsmilər “Ətiq” məscidinin bərpasına nəzarət ediblər və bu məscid müstəqillik uğrunda mübarizənin başlanmasının 71-ci ildönümü – 1954-cü il noyabrın 1-nə təsadüf edən bayram münasibətilə yenidən açılıb.
1886–1897-ci illər arasında inşa edilmiş bu məscid, bölgənin zəngin tarixini əks etdirən özünəməxsus memarlıq üslubuna malikdir. Bu ərazi hələ də vətənin azadlığı uğrunda göstərdiyi qəhrəmanlıq mübarizəsi ilə tanınır.
Mədəniyyət və incəsənət idarəsinin nəzarəti altında həyata keçirilən layihənin texniki göstəricilərinə əsasən, vilayətin mərkəzində, Şaraf qəsəbəsində və Məsəd şəhərində yerləşən daha üç qədim məscidin bərpası da planlaşdırılır.
Şaraf qəsəbəsindəki qədim məscidin bərpası üçün 20 milyon Əlcəzair dinarı məbləğində vəsait ayrılıb.
Mədəniyyət və incəsənət şöbəsinin rəhbəri İsa Kəəbüşün sözlərinə görə, qədim məscidlərin bərpası bu sahədə təcrübəsi olan və aidiyyəti nazirlik tərəfindən təsdiqlənmiş məsləhətçi şirkətlərə həvalə edilib.
Bu layihə, yerli mədəni irs siyahısına daxil edilmiş dini məkanların qorunması çərçivəsində həyata keçirilir.
4314247
