Malayziyanın "Selanqor" ştatında yeni müsəlmanların rekord sayı
“İQNA”-nın "mediaselangor"a istinadən verdiyi xəbərə görə, Malayziyanın Selanqor ştatının Dini İslam Şurasının (MAIS) sədri Salehəddin Səidin bildirib ki, 2025-ci ildə bu ştatda cəmi 1675 nəfər İslamı qəbul edib ki, bu da ştatda din dəyişikliyinin sistematik idarə olunmasının effektivliyini göstərir.
Onun sözlərinə görə, bu sayın 772 nəfəri və ya 82,1 faizi din dəyişikliyinin idarə olunması mərkəzləri (PPP) vasitəsilə qeydiyyatdan keçib; bu mərkəzlərə məscidlər və İslam qeyri-hökumət təşkilatları (PIBK) daxildir. Qalanları isə MAIS-in mərkəzi ofisi və regional İslam dini idarələri (PAID) vasitəsilə qeydiyyatdan keçiblər.
O əlavə edib: "Müəyyən edilmiş prosedurlara uyğun olaraq qeydiyyat prosesini asanlaşdırmaq və sadələşdirməkdəki rollarına görə təşəkkür əlaməti olaraq, müvafiq qurumlara 94.000 Malayziya ringgiti məbləğində təşəkkür nişanı veriləcək."
Salehəddinin sözlərinə görə, zəkat hesabından maliyyələşdirilən bu yardımlar 41 mərkəz arasında bölüşdürülüb ki, hər bir mərkəz il ərzində həyata keçirdiyi qeydiyyatların sayına əsasən 100 ilə 24.400 ringgit arasında məbləğ alıb.
O bildirib ki, bu yardımlar 2025-ci ili ərzində din dəyişikliyi qeydiyyatlarını səmərəli şəkildə idarə etmiş mərkəzləri həvəsləndirmək və ruhlandırmaq məqsədi daşıyır. O, həmçinin bu mərkəzlərin MAIS-ə və Selanqor Zəkat İdarəsinə ştatda yeni müsəlmanların rifahının, qorunmasının və dini təhsilinin təmin edilməsində kömək etməkdə mühüm rolunu vurğulayıb.
Salehəddin bildirib ki, Malayziya İslam Rifah Təşkilatının (PERKİM) Selanqor şöbəsi ən çox qeydiyyatı həyata keçirən əsas qurumlardan olub, ondan sonra Hidayət Mərkəzi Fondu (HCF) və bir neçə digər təbliğat təşkilatı gəlir.
O əlavə edib ki, MAIS hazırda bütün Selanqor üzrə 41 din dəyişikliyi mərkəzini idarə edir ki, bu da ictimaiyyət üçün hidayət və din dəyişikliyinin qeydiyyatı xidmətlərinə daha asan və effektiv çıxışı təmin edir.
Salehəddin, bu mərkəzlərin İslamı qəbul etmək niyyətində olan şəxslərə məsləhət verilməsində də həyati rol oynadığını və bu qərarın könüllü və heç bir məcburiyyət olmadan qəbul edilməsini təmin etdiyini bildirib.
O deyib: "Biz hər zaman bütün prosedurların düzgün şəkildə izlənməsini təmin edirik ki, yeni müsəlmanların rifahı qeydiyyatın ilk günündən etibarən MAİS-in nəzarəti altında qorunsun."
4351370
