İndoneziyalı tədqiqatçının az imkanlı şəxslərə Quran öyrətmək təşəbbüsü
“İQNA”-nın “əl-Mədinə”yə istinadən verdiyi xəbərə görə, bu metod xüsusilə zehni və ya fiziki məhdudiyyətlərlə üzləşən müsəlmanların ehtiyaclarını qarşılamaq üçün hazırlanıb və İslamın hərtərəfli tədrisi sahəsində mühüm nailiyyət hesab olunur.
“İqrə Sərdas” kitabında təqdim olunan unikal tədris üsulları əlilliyi olan şəxslərdən tutmuş psixi sağlamlıq problemləri yaşayanlara və yaşlılara qədər geniş bir qrupa kömək etməkdə çox təsirli olub.
Əmliyə Qadir vurğulayıb ki, bu metod heç bir xüsusi qrupla məhdudlaşmır və oxşar tədris proqramlarını qəbul edən rəsmi və qeyri-rəsmi məktəblərdə uğurla tətbiq oluna bilər.
“İqrə Sərdas” əlilliyi olan şəxslərə dəstək rolunun yanaşı, yeni müsəlmanlar üçün praktik və əlçatan bir həll yolu təqdim edir. Bu metod onların Qurani-Kərimi müstəqil və səmərəli şəkildə oxumaq və yazmağı öyrənməsini asanlaşdırır, dini daha dərindən dərk etməyə və cəmiyyətə inteqrasiyanı artırmağa kömək edir.
Əmliyə Qadir bu barədə deyib: “İqrə Sərdas”ın əsas məqsədi Allahın kitabını öyrənməyin qarşısındakı maneələri aradan qaldırmaqdır. Bu metod hər bir müsəlmana — fiziki və ya zehni imkanlarından asılı olmayaraq — Quranla əlaqə qurmaqda kömək etmək gücünü sübut edib.”
O əlavə edib: “Biz inanırıq ki, bu yanaşma insanların gücləndirilməsi və öyrənmə mərhələlərinin asanlaşdırılması ilə İslamın dünyada yayılmasına və genişlənməsinə müsbət və əhəmiyyətli təsir göstərəcək.”
Maksimum inklüzivliyi təmin etmək üçün “İqrə Sərdas” kitabının brel versiyası da mövcuddur. Bu versiya zəif görmə qabiliyyətli şagirdlərlə işləyə bilən peşəkar müəllimlərin təlimini mümkün edir. Bu isə qarışıq tədris (kombinə edilmiş təhsil) anlayışını gücləndirir və tətbiq sahəsini genişləndirir.
4327086
