Rusiyanın Tatarıstan sərgisində Quran əsərlərinin təqdimatı
“İQNA”-nın “Müslimun həvləl-Aləm”-ə istinadən verdiyi xəbərə görə, bu tədbir, Rusiyada Quran tarixinə olan artan marağı nümayiş etdirən əlamətdar elmi və mədəni bir hadisə olaraq təşkil edildi. Sərgi, Beynəlxalq Quran Müsabiqəsinin bağlanış mərasimində keçirildi.
Tədbir, Tatarıstan Dövlət Universitetinin kiçik teatr zalında təşkil olunub və burada Rusiyada Quran tədqiqatları mövzusunda bir neçə kitab təqdim edilib. Bu əsərlər, İslamın bu ölkədəki intellektual və mədəni mirasının əhəmiyyətini əks etdirirdi.
Əlamətdar anlardan biri, 1726-cı ildə çar I Pyotr tərəfindən verilən əmr əsasında rus dilinə tərcümə edilən ilk Quran nüsxəsinin təqdimatıdır. Bu Quran «Quran və ya Məhəmmədin Şəriəti» adı ilə tanınır və Pyotr Postnikov tərəfindən tərcümə edilib. Ziyarətçilər bu tərcümə vasitəsilə o dövrün vacib tarix aspektləri ilə tanış oldular.
Rusiya alimlərindən və media simalarından olan Murad Səfərov, «Rusiyada Quran haqqında 100 Maraqlandırıcı Həqiqət» adlı kitabını təqdim etdi. Kitab, çar dövründə müsəlmanların Quran üzərinə and içməsi, Slavyan dillərinə ilk Quran tərcüməsinin edilməsi və Rusiyada İslam tarixini sənədləşdirən məlumatlar kimi əlamətdar tarixi faktları araşdırır.
Bu sərgi, Kazanın 2026-cı ildə «İslam Dünyasının Paytaxtı» olaraq seçilməsi şərəfinə təşkil edilən tədbirlərdən biridir. Kazan, müxtəlif dini, mədəni və elmi hadisələrə ev sahibliyi edəcək və bu, şəhərin mədəniyyətlərarası və intellektual dialoqun mərkəzi kimi mövqeyini gücləndirəcəkdir. Bu şəhərin, İslam və Quranın xidmətindəki tarixi rolunu vurğulamaqla yanaşı, elmi və mədəni tədqiqatların təşviqinə də töhfə verəcək.
Bu tədbir, Rusiyada Quran tarixinin elmi və mədəni baxımdan artan tədqiqi prosesini göstərir və ölkədə İslam tarixinə olan diqqətin artdığını təsdiqləyir. Bu, həmçinin elmi tədqiqatların bu mirası kollektiv yaddaşda möhkəmləndirməkdəki əhəmiyyətini vurğulayır.
4349332
