Tayland İslam İrsi Muzeyində nadir xəttatlıqla yazılmış Quran nümayiş etdirilir
“İQNA”-nın "NST"yə istinadən verdiyi xəbərə görə, Taylandın Narativat şəhərindəki İslam Mədəni İrsi Muzeyi və Quran Təlim Mərkəzində yaşının 1000 ildən çox olduğu güman edilən əlyazma Quran nümayiş etdirilir.
Təxminən 50 kiloqram ağırlığında olan bu əlyazma Quran Abbasi dövründə heyvan dərilərindən hazırlanmış 346 vərəq və təbii mürəkkəbdən istifadə edilməklə yazılıb və regionda qorunan nadir və dəyərli İslam əsərlərindən birinə çevrilib.
Muzeyin rəhbəri Nik İlham Nik Yusuf bildirib ki, muzeyin ən qədim tarixi əlyazması müstəsna məharətlə, yüzlərlə işlənmiş heyvan dərisi Quran yazısı üçün davamlı vərəqlər hazırlamaq məqsədi ilə istehsal edilib. O deyib: "Bütün xammallar xüsusi olaraq Yəmənin Həzrəmavut şəhərindən təmin edilib."
Bu əlyazma təbii materiallardan istifadə etməklə yanaşı, ilk müsəlman icmalarının ətraf mühit elementlərindən istifadə etməkdəki təşəbbüskarlığını da nümayiş etdirir və tamamilə əl ilə, Kufi xətti ilə yazılıb.
Nik Yusuf deyib: "Keçmişdə insanlar birbaşa təbiətdən əldə edilən materiallardan istifadə edirdilər. Mürəkkəb hazırlamaq üçün ağac və xurma qabığının qarışığı yandırılır, sonra bir neçə digər təbii maddələrlə birləşdirilirdi."
Bu əlyazma tamamilə təbii elementlərdən hazırlandığı üçün onun qorunması dəqiq mühafizə üsulları və müasir kimyəvi maddələrlə həlledicilərdən uzaq olmağı tələb edir. Təmizləmə və bərpa işləri hər altı aydan bir aparılır.
Nik İlham deyib: "Bu dəri səhifələrin səthi çox həssasdır. Kimyəvi maddələrin və ya spirt tərkibli mayelərin istifadəsi mürəkkəbin itməsinə səbəb ola bilər və səhifələrin teksturası da zədələnə bilər."
O əlavə edib: "Buna görə də bu xəzinənin dəyərini və orijinallığını qorumaq üçün yalnız üzvi mühafizə üsullarından istifadə edirik."
O deyib ki, bu əlyazma səyahətini Yəməndən Malay arxipelaqına Şeyx Camil əl-Kübra adlı müsəlman vaizinin dövründə başlayıb.
Onun sözlərinə görə, bu əlyazma 500 ildən çox İndoneziyada saxlanılıb – təxminən beş il əvvəl Koronavirus pandemiyası dövründə Narativata gətirilənədək.
O deyib: "Bu dəyərli İslam sivilizasiya irsinin qorunmasını təmin etmək üçün sərt təhlükəsizlik prosedurları tətbiq edilir və ziyarətçilərin bu nadir əsərə toxunmasına icazə verilmir."
4351172
