Kasashen Duniya Sun Yi Kakkausar Suka Kan Bahrain Dangane da Keta Hurumin ‘Yan Adam

Bangaren kasa da kasa, kasashen da suka halarci taron kwamitin kare hakkin bil adama na majalisar dinkin duniya a birnin Jeneva na kasar Switzerland sun yi kakkausar suka kan masarautar kasar Bahrain dangane da keta hurumin ‘yan adam da take yi musamman ma fararen hular kasar da suke neman sauyi ta fuskar siyasa.

Kamfanin dilalncin labaran iqna ya habarta cewa ya nakalto daga shafin sadarwa na yanar gizo na Bahrain rebolution news cewa, dukaknin kasashen da suka halarci taron kwamitin kare hakkin bil adama na majalisar dinkin duniya a birnin Jeneva na kasar Switzerland sun yi kakkausar suka kan masarautar kasar Bahrain dangane da keta hurumin ‘yan adam da take yi musamman ma fararen hular kasar da suke neman sauyi ta fuskar siyasa da mulki kasar, bayan haramta musu hakkokinsu na ‘yan kasa da aka yi.
A bangare guda kuma bayan watsa wani labari da ke cewa masarautar kasar Bahrain na shirin kama shugaban majalisar malaman addinin muslunci ta kasar Ayatollah Sheikh Isa Kasim majalisar ta ja kunnen masarautar da ta shiga taitayinta dangane da duk wani mataki da za ta dauka kan wannan bakar aniya.
Wanann mataki da masarautar kasar Bahrain ke neman dauka kan shehin malami baya rasa nasaba da irin kiran da yake yi ne ga mahukuntan da su saurari bukatun mutane domin warware takaddamar da ake fama da ita, maimakon yin amfani da karfin tuwo wajen murkushe fararen hula masu neman ahkkokinsu da aka haramta musu.
Bayan watsa wani labari da ke cewa masarautar kasar Bahrain na shirin kama shugaban majalisar malaman addinin muslunci ta kasar Ayatollah Sheikh Isa Kasim majalisar ta ja kunnen masarautar da ta kwana da sanin cewa, duk abin da ya samu malamin to zai kare a kanta ne.
Al’ummar Bahrain dai kamar sauran al’ummomin larabawa suna neman hakkokinsu ne da aka haramta musu ta hanyar lumana, amma mahukuntan kasar tare da na kasar Saudiyya da kuma taimakon Amurka da Birtaniya, suna ci gaba da murkushe masu neman sauyi.
1013972