Bayar Da Horo Kan Yadda Za A Fuskanci Kyamar Musulmi A Canada
Bangaren kasa da kasa, cibiyar musulmin kasar Canada ta shirya wani bayar da horo ga musulmi kan yadda za su fuskanci kyamar msuulmi da ake nunawa a kasar.
Kamfanin dillancin labaran kur'ani na iqna
ya habarta cewa ya nakalto daga shafin sadarwa na yanar gzio na Muslim Press
cewa, an shiya wannan taro ne da nufin horar da musulmi kan yadda za su rika
wayar wa mutane da kai dangane da musulunci.
Wannan shiri ya zo ne sakamakon karuwar nuna kyamar musulmi da ake yi a kasar tun bayan da gudanar da zaben shugaban kasar Amurka, wanda Donald Trump ya lashe, wanda kuma daya daga cikin abin da ya yi yakin neman zabe da shi a lokacin, shi ne kyamar musulmi.
Babbar manufar wannan horo ita ce yadda musulmi za su rika wayar da kan jama'a da kuma nuna musu muslunci a aikace, domin su tabbatar da cewa addinin muslunci ba addinin ta'addanci ba ne.
Cibiyar musulmin kasar Canada day ace daga cikin cibiyoyi masu kansu, kuma tana gudanar da ayukanta a kowane lokaci domin kare hakkokin musulmi a kasar, da kuma kokarin bayyana ma mutane hakikin koyarwar addini tav zaman lafiya da fahimtar juna, sabanin abin da al'ummar kasar ke zato kan muslunci.
