IQNA

16:56 - December 04, 2017
Lambar Labari: 3482166
Bangaren kasa da kasa, Gwamnan gundumar San'a fadar mulkin kasar Yemen Hanin Muhammad Qatina ya bayyana cewa, lamurra sun daidaita a birnin San'a, bayan murkushe masu yunkurin tayar da fitina.

Gwamnan San'a: An Dawo Da Doka Da Oda A Dukkanin Babban Birnin YemenKamfanin dillancin labaran iqna ya habarta cewa, Shafin yada labarai na Saba'a net ya bayar da rahoton cewa, gwamnanan na San'a ya tabbatar da cewa masu yunkurin haifar da fitinar sun tsere daga wuraren da suka kafa tungarsu a cikin birnin da ma sauran birane.

Inda ya ce yanzu haka jami'an tsaro ne suke rike da dukkanin wuraren da 'yan bindiga na tsohon shugaban kasar suka mamaye a ranar Laraba da ta gabata, yayin da wasu daruruwa daga cikinsu suka mika kansu da makaman da ke hannunsu.

Rundunar sojin kasar Yemen tare da taimakon dakarun sa kai na kabilun larabawan Yemen sun samu nasarar murkushe boren da tsohon shugaban kasar ta Yemen Ali abdallah saleh ya tayar, da nufin bayar da dama ga kasashen da ke yaki da al'ummar Yemen su samu damar kwace birnin San'a, hakan yana faruwa ne tare da taimakon gwamnatocin UAE da kuma Saudiyya, amma dai lamarin bai yi nasara ba.

3669445

 

 

 

 

 

Abubuwan Da Ya Shafa: iqna ، kamfanin dillancin labaran iqna ، ، ، ، ،
Suna:
Adireshin Email:
* Ra'ayinka:
* captcha: