Pakistan Ta Yi Allawadai Da Zanen Batunci Kan Ma'aiki
Gwamnatin kasar Pakistan ta yi tir da Allawadai da wallafa zanen batunci a kan manzon Allah (SAW) da jaridar kasar Faransa ta yi.
Kmafanin dillancin labaran Anatoli ya bayar da rahoton cewa, a cikin wani bayani da ma’aikatar harkokin wajen kasar Pakistan ta yi, ta bayyana wallafa zanen batuinci ga manzon Allah da jaridar Charlie Hebdo ta kasar ta yi da cewa, yana a matsayin cin zarafin dukkanin musulmi ne na duniya.
Bayanin ma’aikatar harkokin wajen kasar ta Pakistan ya ce, wallafa irin wannan zane-zane ba ya a matsayin bayyana albarkacin baki ko bayyana ra’ayi, domin kuwa cin mutunci ne a fili ga addini da akida ta wasu daga cikin mutane masu yawa a duniya.
Haka nan kuma bayanin ya kirayi kasashen turai da ake buga irin wadannan abubuwa na cin zarafi ga addinin muslucni a cikinsu da su dauki matakai da suka dace domin hana faruwar hakan, domin al’ummomi su zauna lafiya ba tare da hantarar juna ba.
