Ma'aikaciyar jinya da zanen hijabi ga ma'aikatan kiwon lafiya na Amurka

Tehran (IQNA) Labarin Hilal Ibrahim, wata ma’aikaciyar jinya musulma ‘yar shekara 28, da kasancewarta a duniyar kwalliya ta fara ne da wani lamari da ya faru a asibiti. Wannan lamari dai shi ne mafarin mafarkinta na sanya hijabi ga mata musulmi na kowane irin al'ada, kuma a yanzu zanen nata na daga cikin hijabi na farko da aka fara sayar da su a kasuwannin Amurka.

Kamfanin dillancin labaran iqna ya habarta cewa, daya daga cikin fagagen da mata musulmi ‘yan kasuwa suka samu gagarumar nasara a cikinsa shi ne fannin sana’o’in hannu musamman na addinin musulunci. Saboda yawan al'ummar musulmi, fannin na addinin musulunci ya kasance kasuwa mai riba ga masana'anta da masu zanen kaya.

Labarin Hilal Ibrahim, yar shekara 28 Musulma ma'aikaciyar jinya, da kasancewarta a duniyar zanen tufafi ya fara ne da wani lamari da ya faru a asibiti.

A cikin wani rahoto da aka buga a cikin 2020 game da wannan mata mai lullubi daga Minnesota, CNN ta bayyana wannan lamarin kamar haka: A lokacin da take aiki a asibiti, ta lura cewa jinin majiyyaci ya bata mata rigar ta. Asibitin ya kawo mata karin kayan sawa, amma don ita ma hijabinta yayi datti, bata da wani zabi sai dai ta koma gida.

Ta yi fiye da shekaru 10 tana aiki a Cibiyar Kiwon Lafiya ta Nicollet Park da ke garinsu na Minneapolis, wana kuma faruwar hakan ya karfafa mata gwiwar samar da gyale wadanda suka dace da bukatu na musamman na ma’aikatar kiwon lafiya.

"Ban iya samun kyalle mai kyau mai araha, " Ibrahim ta shaida wa CNN. Babu wanda ya ke samar da shi, don haka sai na yi da kai na.

4139509